Blog de Natureza: A BIODIVERSIDADE

lunes, 18 de mayo de 2020

A BIODIVERSIDADE

O venres 22 de maio, celebraremos o día da Biodiversidade.

Entendemos por biodiversidad o conxunto de todos os seres vivos do Planeta, o ambiente no que viven e a relación que gardan con outras especies. Son todos os animais, as plantas e os organismos, dende os máis grandes, como as baleas, ata os máis pequenos como as bacterias.

A biodiversidade é moi importante para a vida e a supervivencia da natureza. Grazas a ela, se temos un cambio ambiental que no é bo para unha especie, sempre haberá outra que se beneficie, e así sobrevive a natureza dende que apareceron os primeiros organismos vivos. Por exemplo, os dinosauros extinguíronse pero, afortunadamente, había moitas máis especies na terra que foron capaces de sobrevivir ante as mesmas circunstancias, grazas a isto a vida cambia pero segue o seu curso.

Está en perigo a biodiversidade? Pois si, hai moitas razóns como o comercio e a caza ilegal de animais, a contaminación do aire, auga e solo, a modificación dos hábitats das distintas especies, etc.

Algunhas cousas que podemos facer para contribuír a coidala son: manter limpo o medio ambiente, apaga a luz cando non a necesitemos, pechar a billa cando non esteamos usando a auga, etc. Tamén, se queres unha mascota, elixir mellor unha que este acostumada a vivir coa xente como un can ou un gato, e non outras que teñan que ser capturadas do seu hábitat natural.

Para conmemorar este día vou facer dúas propostas:

- Son moitos os animais que conviven connosco e no noso entorno, e a todos debemos tratalos con respecto. Pois imos quitarlles fotos para facer unha clasificación en domésticos e silvestres. Tamén podemos debuxalos e escribir de que animal se trata, e nos domésticos o nome que lle tedes.

- Estes son algúns animais en perigo de extinción como son o lobo ibérico, aguia imperial ibérica, voitre negro e lince ibérico. Tedes que colorealos (podedes investigar que cores teñen), e poñerlle a cada un o nome que lle corresponda dos que dixen.