E TI, QUE FAS POLO MEDIO AMBIENTE?

Na aula de natureza, elaboramos uns cadernos viaxeiros (un por aula) que  van percorrer os fogares dos nosos alumnos. O título que eliximos para eles é: "E ti, que fas polo medio ambiente?".

No C.R.A de Ribadumia, facemos moitas cousas para coidar o medio ambiente: elaboramos compost, plantamos utilizando abonos naturais, aforramos auga regando con regadeiras e cerrando as billas mentres enxaboamos as mans, reciclamos, reutilizamos obxectos para darlles unha nova vida…

Pero queremos saber que cousas fan os nosos alumnos e as súas familias para coidalo e protexelo.

Como adultos temos que ter presente que os nosos nenos aprenden por imitación “copiando” todo o que ven, e a medida que van medrando toman como referencia aos adultos do seu entorno máis próximo (pais, avós, mestres…). Por iso, é moi importante que prediquemos co exemplo xa que é a mellor forma de incorporar os bos hábitos a súa rutina. Se ven que tiramos o lixo á rúa ou desperdicios á auga, eles adoptarán esta actitude por considerar que é a correcta.

Nos cadernos viaxeiros as familias atoparan unha pequena explicación e unha folla para poñer:

- Nome e apelidos do/a neno/a

- Que fan para coidar o medio ambiente

- Foto/os dos/as nenos/as (familia tamén pode ser) realizando esas tarefas.

COL DECORATIVA

Os nenos de Leiro, estiveron plantando coles decorativas nas rodas de tractor que temos no noso xardín e que estamos reutilizando como macetas.

Tedes máis fotos AQUÍ.

COMO MEDRAN OS CARBALLOS CON BOTAS…

Pedimos ás familias dos nosos alumnos se podían enviarnos fotos dos carballos con botas que plantamos na escola o curso 2018-19 e, que os nenos levaron para coidar nas casas.

Algúns xa medraron moito e, hai quen os segue tendo nas botas e noutros casos transplantáronos a macetas ou á terra.

                                                     DANA E ADRIANA DE RIBADUMIA B

     

                                 KARLA DE LOIS                                          CLARA DE SISÁN 

                                                              
                                                               VALENTINA DE RIBADUMIA A

                                     
                                  ANA DE RIBADUMIA A                                            LÍA DE LEIRO

                                                                   LÍA DE RIBADUMIA B                           

                                                                            MARCOS DE LEIRO

LAURA DE LEIRO

¡PRECIOSOS!

REDUCIR, REUTILIZAR, RECICLAR E RECUPERAR

Este vídeo é o que proxectou Ángeles, a mamá de Izan, na festa do Magosto-Samaín. Nel, o Planeta Terra fala aos nenos de tres palabras moi importantes que empezan por R: reducir, reciclar e reutilizar.

REDUCIR: Todo aquilo que poida xerar un gasto ou un desperdicio innecesario.

RECICLAR: As cousas que non necesitamos para que moitas volvan a ser usadas (puntos limpos, contedores de papel, vidro, plástico e residuos orgánicos).

REUTILIZAR: Xa que hai moitas cousas que podemos utilizar moitas veces, en lugar de tiralas, dándolle así unha segunda vida.
RECUPERAR: Usar un residuo para producir outro novo, intentando que o tratamento dane o menos posible o medio ambiente.

Utilizando a regra das 4R, acadaremos un Planeta máis limpo, con menor contaminación e onde todos viviremos mellor.

ENTRE TODOS PODEMOS!

MAGOSTO-SAMAÍN

O venres, 30 de outubro, tivemos a festa do Magosto-Samaín.

As familias trouxeron cabazas decoradas nas casas.

QUE BONITAS TODAS!

Os nenos viñeron disfrazados de zombis, bruxas, vampiros, esqueletos…

QUE TERRORÍFICOS!

E durante a mañá, realizáronse as seguintes actividades:

Vimos contos de medo.

Decoramos con pinturas follas de papel recicladas, para facer con elas cucuruchos para levar as castañas asadas.

Angeles, a mamá de Izan de Sisán, veu coa ecobotella para ensinarnos a importancia das 4R. Amosounos un vídeo sobre a importancia de reciclar, reducir, reutilizar e recuperar e, díxonos que utilizando as 4R poderemos acadar un planeta máis limpo, con menos contaminación e onde vivir mellor.

Tivemos a visita da Agrupación músico-cultural de Ribadumia que amosáronnos os seus instrumentos, ensináronnos como soan e tocaron e cantaron connosco cancións.

Merendamos terroríficos doces preparados nas casas polas familias.

E, para rematar a mestra Montse e Angeles (a mamá de Izan de Sisán) representaron  a obra “A bruxa Hermelinda e a fada das 3R”. Nela, unha bruxa que non recicla recibe a visita dunha fada que lle lembra a importancia de reducir, reciclar e reutilizar.

As familias trouxeron castañas e carozos e o Concello deixounos o asador. 

Algúns pais, nais e avoa estiveron asándoas.

E non quero terminar esta entrada do blog, sen dar a grazas ás familias pola súa colaboración decorando cos seus fillos as cabazas, traéndoos tan terrorificamente disfrazados e preparando todos eses riquísimos doces.

E, por suposto, aos pais nais e avoa que estiveron toda a mañá a choiva asando as castañas e a Angeles por ensinar aos nenos tantas cousas sobre as 3R e por ser unha maravillosa actriz.

MOITAS GRAZAS A TODOS POLA VOSA COLABORACIÓN!