Mónica
enviounos a pizza que fixeron coa coliflor que lle tocou a súa filla Alba de
Ribadumia A.
Os ingredientes
que utilizaron foron:
Para a
base: unha coliflor, dous ovos, unha cullerada de pan raiado, queixo mozzarella
e sal.
Para a
pizza: tomate, xamón cocido, queixo mozzarella, atún, champiñóns e olivas.
Realización:
Primeiro
picaron a coliflor nunha picadora e puxérona nunha cunca.
Despois
metérona no microondas 8 minutos a máxima potencia.
A
continuación engadiron un chisco de sal, dous ovos e unha cullerada de
mozzarella e outra de pan raiado.
Mesturaron
todo ata acadar unha masa, á que deron forma nun papel vexetal.
Despois
metérona no forno 20 minutos a 180º.
Unha
vez lista a base, fixeron a pizza engadíndolle tomate, un pouco de mozzarella,
xamón cocido en cachiños, un pouco de atún, uns champiñóns e unhas olivas.
Para
rematar agregaron outro pouco de mozzarella por enriba, puxérona no forno uns 10-15 minutos
e... LISTA PARA COMER!
AQUÍ TEDES Á COCIÑEIRA ALBA
REALIZANDO A PIZZA!
Natalia,
a nai de Sofía de Lois, tamén mandou outra receita de pizza que ten como base a coliflor que lle tocou.
Dinos como
non lle gusta esta verdura, por iso quixo facer algo que non probara a nena para ver se a
comía. Ao final, aínda que lle encantou todo o proceso de realización a pizza
non. Pero espera que vaia pouco a pouco cambiando de opinión.
Para a
base utilizaron: 400g de coliflor, 2 ovos, 100g de queixo de ovella ou cabra,
pementa negra e ourego e “albahaca”
E así a fixeron:
Puxeron a coliflor na thermomix 20 segundos a velocidade 5. Despois botaron o resto
dos ingredientes 15 segundos a velocidade 4. A continuación estenderon a masa nun papel vexetal que estaba nunha bandexa de forno e, para rematar volveron a poñer a base 20 minutos a 220º.
Unha
vez cociñada a base, utilizar os ingredientes que se queiran para facer a pizza e
volver a enfornar entre 5 e 10 minutos a 180º.
TEÑEN QUE ESTAR RIQUÍSIMAS!
MOITAS GRAZAS POLAS REPORTAXES FOTOGRÁFICAS!
