PLANTANDO MÁIS FLORES NO XARDÍN

Os nenos da aula de Leiro estiveron plantando no xardín xeranios.

Podedes ver máis fotos neste ENLACE.

XA XERMINARON AS SEMENTES QUE PLANTAMOS

As sementes que plantamos coa superavoa Dina xa xerminaron e están saíndo as pequenas plantiñas.

                                      COLES DE BRUSELAS                     SANDÍA

                                                                   

                                                     MELÓN                                      CABAZA

                                                          

                                                   REPOLO                                COGOMBROS

                                                                 ACELGAS E CENORIAS

XA TEMOS CARBALLOS CON BOTAS!

Esta semana os nenos, das distintas aulas, levaron os seus carballos con botas. As

 landras que plantamos nas botas vellas, como propuxo Anxo Moure no seu conto 

“O carballo con botas”, xa xerminaron e saíron.

Algúns están máis grandes que outros aínda que os coidados foron para todos 

iguais. Estamos seguros de que agora nas casas medraran moito máis.

Cando sexan máis grandes gustaríanos que mandarades algunha foto ao noso 

correo electrónico (blogdenatureza@gmail.com) para subilas ao blog.

VISITAMOS Á LONXA E O PORTO DE PORTONOVO

Hoxe mércores 10 de abril, realizamos unha saída á lonxa e porto de Portonovo. Recibimos esta invitación ao ser un dos colexios participantes do Plan Proxecta Aliméntate Ben.

Primeiramente Amaya, María e Cristián, dentro da lonxa, explicáronnos como se poxa o peixe. Os nenos estiveron sentados onde se facía esta actividade fai uns anos. A xente tiña un botón debaixo do asento, e o pulsaba cando quería mercar algunha das caixas de peixe ou marisco. Elisa e Dana prestáronse para facer unha poxa ficticia.

Actualmente hai un sistema máis moderno no que as caixas van por unha cinta transportadora e hai unha pantalla onde van aparecendo os nomes dos peixes e marisco que van pasando. Cada comprador ten un mando no que, cando decida a caixa que quere e lle interese o prezo que alcanza, pulsará o botón verde. 
Esta poxa é á baixa, é dicir, o prezo inicialmente é alto pero vai baixando ata que se realiza a compra.

Unha vez mercado, sae un tícket onde pon o nome do peixe ou marisco, cando e quen o pescou, peso…

Tamén puidemos ver as especies de peixes e mariscos que hai.

Despois saímos ao porto para ver algunhas artes de pesca:   

                    

 DE CERCO

 DE ENMALLE

  

CON NASAS

E para rematar, a cociñeira Teresa tiña preparada unha riquísima merenda con bocadillos e ensalada de mexillóns. 

Os nosos alumnos pasárono moi ben e aprenderon moitas cousas e, de agasallo, 
recibiron uns bonitos gorros

CANTOS SUPERAVÓS!

Temos que agradecer a todas as nosas familias a súa implicación no noso caderno viaxeiro dos superavós. As fotos son preciosas e nelas moitos nenos están realizando tarefas cos seus avós. A participación foi tan boa que ata coñecemos as afeccións de bisavoas.

E temos familias que incluso decoraron os sobres onde están os papeliños para cubrir polos superavós.