FACEMOS ABONOS NATURAIS

Seguindo coa nosa tarefa de coidar o Medio ambiente, estamos facendo abono natural para as nosas plantas e verduras. Para a súa elaboración os nenos estiveron botando no composteiro as mondas das froitas das merendas e as follas, que estaban en mal estado, das verduras do noso invernadoiro.

PEMENTOS E TOMATES

Os nenos, da aula de Leiro, estiveron plantando pementos e tomates no invernadoiro.

Pementos

 

Tomates

 

 

Se queredes ver máis fotos pinchade neste ENLACE.

DÍA DA AUGA

Hoxe, 22 de marzo, celebramos o día Mundial da Auga.

Para conmemoralo, na aula de natureza, estivemos traballando:

-       Algunhas das cousas para as que a utilizamos.

-       En que accións non é necesario ter abertas as billas, para deste xeito conseguir aforrar auga.

Tamén fixemos un mural no que escribimos, dentro de paraugas, algunhas das cousas para as que se emprega.

LEMBRADE… ENTRE TODOS PODEMOS!

DÍA DA ÁRBORE

Hoxe, 21 de marzo, é o día da árbore e na aula de natureza estivemos facendo, durante esta semana, algunhas actividades para lembrar a importancia de protexelas:

-       Estivemos falando de todas as cousas que nos proporcionan e despois, cada neno debuxou a súa árbore e escribiu dentro da copa un dos servizos que nos prestan.

 

A continuación, fixemos un mural con todas as árbores.

-       Os nenos de Ribadumia, de catro e cinco anos, tamén fixeron unha gravación (que amosamos a continuación) na que dan algunhas das razóns polas que todos temos que tomar conciencia da necesidade de loitar contra a súa destrución.  

ESTA SEMANA CELEBRAMOS O DÍA DE…

Esta semana temos dúas celebracións na aula de natureza:

21 de marzo DÍA DA ÁRBORE

Con esta data o que se pretende é concienciar á xente da necesidade de protexer as árbores, xa que son moitos os servizos que prestan á vida e a actividade humana.

Entre os seus beneficios están: as súas follas fan diminuír a temperatura ambiental, provocan a choiva, producen osíxeno, reteñen as partículas contaminantes e o po do aire, filtran o vento, fan de pantalla contra o ruído , invitan a camiñar…

22 de marzo DÍA DA AUGA

Este ano 2013 foi declarado, pola Asemblea Xeral das Nacións Unidas, “Ano Internacional da Cooperación na Esfera da Auga”. O obxectivo e facer un chamamento para que todos tomen conciencia de que a auga é un elemento esencial para a vida do que moitos países escasean. Por cada gota de auga no mundo malgastamos moito, por iso hai que cooperar e entre todos tratar de aforrala.

Durante esta semana estamos facendo diversas actividades para conmemorar estas dúas datas. Unha vez rematadas, iremos compartíndoas a través do noso blogue.

COIDAMOS O MEDIO AMBIENTE

Imos a iniciar un novo proxecto coa axuda da nosa mascota ROQUIÑA.

Foi creada por un dos noso alumnos e elixida polos mestres, de entre todas as que fixeron os nosos alumnos, coa misión de ensinar aos nenos cales son as cousas que podemos facer para protexer o noso Planeta e conseguir, deste xeito, que sexa máis bonito e saudable. Así, con ela, aprenderemos a: reciclar, aforrar auga e luz, non contaminar (ríos, praias, lagos…), utilizar abonos naturais (composteira), non deixar lixo nin prender lume nos bosques…

Como punto de partida deste proxecto fixemos unha ficha onde había representado un bosque no que algunhas das cousas que aparecían estaban mal feitas (botaron o lixo polo chan e no río e non na papeleira e contedor como debería ser). Entre todos atopamos as cousas mal feitas e rodeámolas.

ROLO VEXETAL

Como xa medraron as leitugas que plantamos no noso invernadoiro, decidimos facer con elas unha receita á que puxemos por nome “rolo vexetal”.

Para a súa elaboración solicitamos ás familia, a través dunha nota, que o día que os nenos veñen a Leiro trouxeran: una rebanda de queixo e unha de xamón cocido. O resto dos ingredientes (base de biscoito, atún e queixo de untar) mercounos o colexio.

Os pasos para facelo foron os seguintes:

1º Fomos ao invernadoiro a buscar a leituga

2º Lavamos as súas follas

3º Partimos cada folla en anacos moi pequeniños

4º Estendemos o queixo de untar enriba da base de biscoito

5º Cada neno puxo as súas rebandas de xamón cocido

6º Botamos o atún

7º Despois a leituga

 

8º E por último, puxeron as súas rebandas de queixo

A continuación enrolamos a base de biscoito, con todos os ingredientes dentro, e puxémoslle papel de aluminio ao redor para compactar o rolo.

Cando chegou a hora da merenda… Todos a probalo!



Se queredes ver máis fotos de cada unha das aulas, estes son os enlaces: RIBADUMIA 4-5, SISÁN, RIBADUMIA 3-4, LOIS, LEIRO.

Na aula de natureza, fixemos unha ficha para lembrar o nome da receita e os ingredientes necesarios para preparala.

ANIMADEVOS A FACER, ESTA RICA RECEITA, NAS VOSAS CASAS…