Así que decidimos poñer en marcha un novo caderno viaxeiro, que vai percorrer os fogares dos nosos alumnos. Con el pretendemos recuperar eses xogos tradicionais aos que xogabamos nós de pequenos. Cando xa teñamos un cantos, coa axuda da mestra Olalla (de Educación Física), iremos practicándoos
para que todos os vaian coñecendo.
sábado, 24 de marzo de 2018
A QUE XOGAMOS?
De
correr ou agochar, de grupo ou equipo, de roda, con pelota, de lanzar, das
chapas, da goma, da corda…, consideramos que todos estes xogos tradicionais que
teñen gran valor como transmisores de cultura e tradición están sendo anulados
polos electrónicos ou online. Por isto, pensamos que é moi importante
ofrecer aos nenos enredos diferentes aos que hoxe en día marca a publicidade.
Fronte aqueles nos que prima o propio xoguete, e nos que é moi difícil
compartir a actividade e interactuar con outros rapaces, e moito mellor o xogo en
compañía de amigos. Deste xeito, ademais de favorecer a súa socialización,
aprenden a acatar e entender as distintas normas e regras dos mesmos e a
divertirse sen necesidade de contar con elementos auxiliares como os xoguetes,
videoxogos…
EXCURSIÓN A APÍPOLIS
O venres 23 de marzo, fixemos unha saída a Apípolis. Trátase dun centro que pretende que os nenos comprendan as relacións que existen entre os seres humanos e as abellas e a importancia que teñen estas para nós e para o medio no que nos desenvolvemos. Durante a mañá realizaron moitas actividades: contáronlles un conto sobre as abellas e viron a exposición, puxeron os traxes de apicultores e visitaron o apiario, fixeron galletas de mel, repasaron os produtos que dan as abellas, realizaron a extracción do mel, probaron o polen e o mel e fixeron unha vela.
jueves, 22 de marzo de 2018
DÍA DA AUGA
Como
cada ano, o 22 de marzo, celebramos o día
da auga. Nesta ocasión, co lema “Natureza
ao servizo da auga”, perséguese encontrar solucións baseadas na natureza
para resolver os desafíos relacionados coa auga aos que hai que enfrontarse no século
XXI. A campaña denominada “a resposta
está na natureza”, quere facer reflexionar sobre a necesidade de harmonizar
o entorno natural coa infraestrutura creada polo ser humano. E así, encontrar
formas de reconectar ríos con planicies,
reforestar bosques e dar espazo á natureza para volver a equilibrar o ciclo da
auga. Deste xeito, podemos mellorar a
saúde dos ecosistemas e a calidade de vida.
Na
aula de natureza, estivemos lembrando o importante que é a auga para a vida de
persoas, animais e plantas. Tamén, que temos que aforrala, xa que hai moita xente no mundo que non ten a
cantidade necesaria para vivir.
Despois
fixemos un mural, no que dunha nube caen moitas pingas nas que os nenos
escribiron algunhas das cousas que podemos facer para non malgastar.
miércoles, 21 de marzo de 2018
DÍA INTERNACIONAL DOS BOSQUES
O
lema deste ano 2018 é, “Os bosques e as
cidades sostibles”. A través del, queren transmitirnos que temos que facer
das nosas cidades lugares máis limpos, verdes e saudables para vivir.
Na
aula de natureza estivemos falando do importantes que son os bosques e as
árbores, e de todos os beneficios que nos dan.
Como o tempo non está permitindo que saiamos ao noso xardín, á volta das vacacións de Semana Santa cada aula plantará unha árbore para animar a toda a xente a facer o mesmo.
miércoles, 14 de marzo de 2018
AS NOSAS ÁRBORES FROITEIRAS
Na
aula de natureza, estamos facendo un libriño onde recoller todas as árbores
froiteiras que plantamos no noso xardín. Deste xeito, tamén coñecemos os seus nomes en galego e o dos froitos que nos dan.
viernes, 9 de marzo de 2018
XOGANDO COA PATRULLA MEDIOAMBIENTAL
Na
aula de natureza os nenos de 4 e 5 anos están divertíndose e aprendendo, ao
mesmo tempo, co xogo que inventamos da nosa Patrulla Medioambiental.
Etiquetas:
AULA,
COIDAMOS O MEDIO AMBIENTE,
CURSO 2017-18,
LEIRO,
LOIS,
RECICLAR,
RIBADUMIA A,
RIBADUMIA B,
SISÁN,
XOGO PATRULLA MEDIOAMBIENTAL
miércoles, 7 de marzo de 2018
DÍA INTERNACIONAL DA MULLER
Co
fin de conmemorar a loita da muller pola igualdade de xénero, cada 8 de marzo
celébrase o Día Internacional da Muller.
Para sumarnos a esta iniciativa, no C.R.A de Ribadumia estamos traballando a Colección “Pequeña & Grande” da editorial
Alba. Son uns contos cós que os nosos/nosas alumnos/alumnas descubrirán quen
eran e que lograron as máis grandes mulleres da historia contemporánea. Gloria
Fuertes, Jane Austen, Marie Curie, Frida Khalo, Ada Lovelace, Audreu Hepburn,
Coco Chanel, Amelie Earthart, Ella Fitzgerald, Dian Fossey, Agatha Christie…, mulleres únicas e marabillosas das que aprender e coas que identificarse.
Podedes
ver nos blogs de Leiro, Ribadumia A, Ribadumia B, Sisán e Lois, cales son as mulleres que escolleron e as actividades que realizan en
torno a elas.
Na
aula de natureza, traballaremos a Dian Fossey. Esta muller, foi unha zoóloga
norteamericana recoñecida polo seu labor científico e a súa defensa dos gorilas
das montañas. O seu forte carácter, levouna a loitar ferozmente contra o
tráfico de animais e a caza furtiva.
Suscribirse a:
Entradas (Atom)