Un
curso máis volvemos a formar parte de esa gran familia que é Voz Natura.
A
través de este programa, o obxectivo da Fundación Santiago Rey Fernández
Latorre é concienciar e implicar á comunidade escolar na recuperación e defensa
da natureza.
Nesta
24ª edición o tema é “Coidar o noso entorno é o bo camiño”, e estará dedicada á
protección e recuperación do entorno natural dos Camiños de Santiago.
No
noso colexio, ademais
de todas as tarefas medioambientais que vimos realizando, tamén levaremos a
cabo actividades para que o noso alumnado coñezan os espazos naturais do Camiño
de Santiago ao seu paso por Ribadumia. Como o Concello conta cun patrimonio histórico moi
importante, dende a escola queremos que os nenos o descubran e así valoren a
riqueza e a importancia da zona onde viven.
Traballaremos A
Ruta da pedra e da auga (que está dentro do Camiño de Santiago). Percorrerémola
a través dun elfo ao que lle poñerán nome, e a través do que coñecerán: as
partes dun muíño, os tipos que hai, o ciclo da auga, o leito fluvial de árbores, vexetais
(ameneiro, carballo, salgueiro, fento común, narciso, estrugas, menta de auga,
orella de frade…) e animais (libélula, lavandeira, ferreiriño real, zapateiros,
corixa, salamántiga, rá común…) que percorre este camiño.
Tamén realizaremos as actividades que facemos
habitualmente como limpar o xardín, plantar, sortear as nosas verduras,
reciclar, reutilizar…
Como
medidas hixiénico-sanitarias, para levar a cabo as tarefas do xardín e
invernadoiro, cada neno terá as súas luvas e para plantar levará a súa pa que
será desinfectada pola mestra unha vez que remate a actividade.
No invernadoiro
tamén marcaremos con pintura onde se colocará cada alumno para evitar que
estean todos xuntos.
