Esta
semana estivemos recollendo algunhas das froitas que deron as nosas árbores.
Debido
aos cambios de tempo, paxaros e abellas, hai algunhas que non puidemos apañar
como: mazás, figos e marmelos (estes últimos podrecéronse estando aínda verdes).
O
que si tivemos e colleita de limóns e castañas que os nenos puideron levan para
degustar en familia.
LEIRO COLLENDO LIMÓNS
RIBADUMIA B COLLENDO
CASTAÑAS
Para non pincharnos cos ourizos, utilizabamos os pés para abrilos e poder coller o froito.
Esta
semana, os nenos novos coñeceron á nosa tartaruga Borja e os de 4 e 5 anos
puideron ver o que medrou despois do verán.
Despois estiveron
dándolle de comer, e comprobaron como devora todo.
LEIRO
RIBADUMIA B
LOIS
RIBADUMIA A
SISÁN
Todos
os nenos terán a oportunidade de alimentala durante o curso, xa que será unha
actividade que irá rotando
A partires do mes de novembro, e ata a primavera, as tartarugas soen hibernar polo que xa non comen case nada.
Esta
semana empezamos as actividades da aula de natureza do CRA de Ribadumia.
Un novo curso seguimos formando parte do Programa Medioambiental Voz Natura da Fundación Santiago Rey Fernández-Latorre. Nesta 27ª edición, o tema central é o coñecemento e a protección da flora e a fauna autóctona. Traballaremos para coñecer as especies do noso entorno máis próximo e saber cales son as que están en perigo de extinción.
No
CRA de Ribadumia levamos varios anos traballando para que os nosos alumnos
tomen conciencia de que as nosas acción poden xerar ou degradar a vida da
natureza.
Hoxe en día o noso Planeta atravesa por moitos problemas
medioambientais como consecuencia da actividade humana: cambio climático,
deforestación, perdida de biodiversidade, contaminación... Debido a isto, consideramos que resulta
imprescindible que dende a etapa de Educación Infantil os nenos adquiran
conciencia da importancia da natureza e amplíen os seus coñecementos sobre ela
a través dunha metodoloxía activa e participativa, co fin de lograr mellorar as
súas condutas no futuro. Non soamente hai que
valorala, senón tamén tomar as medidas necesarias para non facerlle dano e
saber que pequenas e simples actitudes e accións poden contribuír ao seu
coidado.
O
noso obxectivo principal é que logren sincronizarse co medio ambiente e
natureza, comecen a sensibilizarse sobre a necesidade de protexelos, aprecien
todos os beneficios naturais que nos proporcionan e aprendan a utilizalos na
vida diaria para o seu consumo de forma responsable e ecolóxico.
Todas as actividades que realizamos van encamiñadas a que:
- Aprendan a plantar e realizar tarefas de limpeza do xardín e invernadoiro.
- Adquiran hábitos saudables. Co noso invernadoiro aprenderan a cultivar e coidar as verduras que plantan, e que posteriormente levaran ás casas para degustar en familia alimentos sas.
- Comecen a:
· Realizar a recollida selectiva, a través da
separación dos residuos. Para isto, contaremos con contedores de plástico,
papel e cartón e orgánico.
· Reutilizar algúns refugallos para darlle unha nova vida (botellas de plástico, tubos de papel hixiénico, tapóns, caixas…).
- Coñezan as conmemoracións (día
dos animais, da reciclaxe, dos bosques, da auga…) coas que pretendemos
sensibilizalos sobre a importancia de protexer o medio ambiente, a natureza e
os seres que nela habitan.
O conto será un recurso moi utilizado, debido a que consideramos que para os nosos alumnos de 3 a 6 anos é unha maneira máis amena e efectiva de traballar os problemas medioambientais xa que soen identificarse cos personaxes e poñerse no seu lugar. A través del captaremos máis a súa atención e interese, atoparán unha explicación máis razoada a todo o que acontece, entenderan a súa importancia e incorporarán de forma máis natural todas as cousas que podemos facer para preservar o noso Planeta.
