DÍA INTERNACIONAL DOS BOSQUES

No ano 2012, a Asemblea Xeral das Nacións Unidas proclamou o 21 de marzo como Día Internacional dos Bosques. Coa súa celebración, o que pretenden é render homenaxe á importancia que teñen todos os bosques e, animar a todos os países a adoptar iniciativas para organizar actividades como campañas de plantación de árbores.

O lema deste ano 2018 é, “Os bosques e as cidades sostibles”. A través del, queren transmitirnos que temos que facer das nosas cidades lugares máis limpos, verdes e saudables para vivir.

Na aula de natureza estivemos falando do importantes que son os bosques e as árbores, e de todos os beneficios que nos dan. 

Como o tempo non está permitindo que saiamos ao noso xardín, á volta das vacacións de Semana Santa cada aula plantará unha árbore para animar a toda a xente a facer o mesmo.