DÍA DA AUGA

 O 22 de marzo, conmemoramos o Día Mundial da Auga.

Este ano o foco de atención céntrase nas augas subterráneas, que son  invisibles e teñen uns efectos que se aprecian en todas partes. Estas, tras alimentar mananciais, ríos, lagos…, finalmente fíltranse aos océanos. A súa principal fonte de recarga é a choiva e a neve que vai a través do chan e, poden extraerse á superficie por medio de bombas e pozos.

A vida sen elas non sería posible, xa que a maioría das zonas áridas do Planeta dependen por completo deste recurso, que subministra unha gran parte da auga que se utiliza nas casas, na produción de alimentos, saneamentos…

Na aula de natureza estivemos lendo o conto “Aventuras de una gota de agua”. 

Narra a historia dunha gota de auga que despois de vivir moito tempo baixo terra, sentiu moitas ganas de saír a ver a luz. No seu percorrido atoparase con animais, plantas, árbores, persoas…, que lle irán dando as grazas por axudarlles a medrar, darlles alimento…