O 17
de maio celebraremos o día da Reciclaxe.
Reciclar
os residuos é unha responsabilidade que temos cada un de nós co noso Planeta, e
hai que transmitir este hábito aos nosos fillos para que vaian adquirindo unha
conciencia ecolóxica.
Hai
que ensinarlles a seguir a regra das 4R: reducir, reutilizar reciclar e
recuperar.
Reducir
a cantidade de lixo que tiramos, reutilizar envases e bolsas, reciclar materiais
como o plástico e recuperalos para volver a usalos.
Para
celebrar este día imos a propoñer algunhas actividades para ensinar aos nenos,
dunha forma divertida, como reciclar e reutilizar.
Nenos,
lembrádesvos dos contedores que temos no colexio de Leiro?
Xa sei que os nosos non teñen os carteliños brancos, pero é para que vexades como podedes realizalos.
Pois imos debuxalos nun folio e despois colorealos cada un da súa cor:
vidro-verde, plástico-amarelo, papel e cartón-azul e orgánico verde.
Este
último vai pasar a ser marrón (en moitos concellos xa ten esta cor).
Non
tedes que facer a forma de cada contedor, podedes debuxar cadrados como as
caixas que temos na escola.
Despois
poñeredes os seus nomes en carteliños (plástico, vidro, orgánico e papel e
cartón), e pegaremos cada un no seu contedor correspondente.
Utilizaremos unha cartolina branca para pegalos separados (tamén pode ser nos azulexos da cociña ou no
contedor correspondente que tedes na casa) e, ao redor de cada un ou enriba
poñeremos os obxectos que hai que tirar nel. Estes podedes recortalos de
folletos de supermercado e droguería, debuxalos, imprimilos de internet, etc.
O
que queremos é que cando vaiades a tirar o lixo, saibades onde hai que facelo.
E agora imos a darlle outra vida a obxectos que temos pola casa!
Os
calcetíns vellos son xeniais para facer un monicreque-serpe. Neste vídeo
ensínannos como realizalo. Para os ollos, outra opción son botóns. Aquí tedes o enlace:
Un
cempés cun cartón de ovos. Para elaboralo tedes que recortar cada compartimento
para ovos, pintalos e pegalos. Para os ollos tamén podedes utilizar botóns
pequenos, pegatinas, debuxalos e pegalos, etc.
Un
labirinto cunha caixa de zapatos ou outra que teñades.
Neste
con tubos de papel hixiénico, imos sumando puntos.
Un
xogo de bolos con botellas de plástico (mellor que sexan todas do mesmo
tamaño) que tedes a opción de pintar.
A bola pode ser unha pelota pequena que teñades por casa. Tamén, podedes construíla reutilizando papel de aluminio ou
poñendo nunha bolsa pequena arroz (despois facedes un nó e cortades o que sobra).
En ámbolos dous casos, a continuación colledes un globo, cortádeslle a boca e metedes dentro ou o papel de aluminio ou a bolsiña de arroz.
Para que non caian as
botellas tan facilmente, tedes que poñerlle dentro un pouco de area, terra, sal ou
o que teñades na casa.
Xogo
de encestar o aro confeccionado cun tubo de papel de cociña e pratos de cartón
ou plástico reciclados. Os aros, tamén podedes facelos con cartóns ou
cartolinas que teñades por casa utilizando un prato máis grande e outro máis
pequeno para realizar os círculos.
E si
os encestamos no nariz dun elefante?
Aquí
un vídeo de como elaboralo:
E
para rematar, dende o Salón do Libro Virtual de Pontevedra, propóñenvos:
A Pímbola.
Foi un xogo moi popular durante moitos anos e que agora, atopamos
na súa
versión electrónica ou mecánica.
Neste enlace, explican como realizalo:
Un minigolf,
feito tamén con material de refugallo.
Nesta páxina, tedes
un vídeo de como construílo:
SON
MOITAS COUSAS VERDADE!
NON
É PARA QUE AS REALICEDES TODAS!
SOAMENTE
PARA QUE TEÑADES VARIADADE PARA ESCOLLER.
No hay comentarios:
Publicar un comentario