OS XOGOS DE SEMPRE

A mestra Olalla xa está poñendo en practica, nas clases de Educación Física, os xogos tradicionais que están mandando as nosas familias a través do caderno viaxeiro "A que xogamos?". A corda, a goma, o comecacho, o prato, a mariola, as canicas, o pano, as agachadas, as chapas, carreiras de sacos,  a galiña cega..., son algúns dos xogos cos que enredabamos e que é necesario transmitir de xeración en xeración. É moi importante, xa que son moitos os valores que veñen implícitos con eles tales como: a amizade, o deporte, a creatividade, a imaxinación, aprender a perder e a gañar, aprender a superarse...