O
noso colexio leva participando tres anos no programa de Aliméntate Ben. Este
curso, por primeira vez, os centros participantes neste programa podían presentar
un proxecto das actividades que desenvolveran durante estes anos para
poder ser un dos colexios seleccionados para participar neste primeiro Congreso.
Estamos
moi orgullosos xa que o noso foi un dos dez centros escollidos, de educación
infantil e primaria, para presentar os traballos realizados dentro dos
proxectos educativos “Aliméntate Ben” da Xunta de Galicia.
Unha
vez alí, montamos o noso stand e os nenos dos outros colexios
seleccionados puideron participar nos obradoiros que levamos para mostrarlles o
que traballamos na nosa escola ao redor dos hábitos alimentarios saudables (a
que cheira, deseña a túa lata, xogo da oca, mariscando no areeiro, relaciona
cada cadro de Sorolla co seu título…). Tamén bailaron, coa mestra Olalla, a
danza dos peixes.
Os nosos alumnos ademais de visitar os stands dos outros centros, participaron en diferentes actividades lúdicas e educativas para fomentar a alimentación saudable.
Despois,
invitáronnos a xantar un rico menú que tiña como ingredientes hortalizas,
legumes e froita.
Pola
tarde, os nenos participaron nunha clase de body combat e en xogos populares.
E
para rematar, asistimos á entrega de premios na que o xurado concedeunos un
accésit ao mellor proxecto de educación infantil e primaria.
Temos
que dicir que tanto para mestres como para alumnos foi unha experiencia moi
enriquecedora na que nos divertimos moito.
No hay comentarios:
Publicar un comentario