OS MAIOS

Onte, venres 27 de abril, celebramos a festa dos Maios. 

As familias trouxeron fiunchos, flores, ovos baleiros, laranxas..., que 

previamente pedimos a través dunha nota.

Dividimos aos nosos alumnos en tres grupos, que foron rotando por tres talleres 

nos que realizaron as seguintes actividades:

Confección dunha coroa cunha flor.

Cadenetas de flores para adornar o Maio. 

Obradoiro de percusión con material de refugallo por parte de Matracala. 
Tomando como guía o xogo, exploraron distintos instrumentos de percusión (ademais do propio corpo) e diferentes ritmos.

Mentres que os alumnos facían todas estas actividades, íase montando o Maio. Queremos dar as grazas a Julían (papá de Suevia) por axudarnos a poñerlle o fiuncho e, as mamás de Lucía e Breixo por colaborar connosco para vestilo con flores, ovos, laranxas...

Despois merendamos ricos doces, elaborados polas familias dos nosos nenos.

E para rematar a mañá, familias, mestres e nenos cantamos e bailamos ao redor do noso Maio acompañados do grupo musical Demos da Petaca.

Temos que dar as grazas a ANPA do CRA de Ribadumia, que foron os que trouxeron a 

este grupo de musica tradicional.

ALIMÉNTATE BEN E REFUXIO DE CAMBADOS

O xoves 19 de abril, mestres e alumnos do C.R.A de Ribadumia reunímonos en Leiro para realizar varias actividades:
Un marcapáxinas, cun debuxo dun can, para conmemorar o Día do Libro (23 de abril).

Tamén recibimos a visita de dúas cociñeiras do programa "Ponlle as pilas ao teu bocata". Con esta campaña, a Consellería do Medio Rural e do Mar, pretende poñer en releve os múltiples beneficios das conservas de produtos de mar, asi como o seu valor como fonte de enerxía asociada á forza, vitalidade e crecemento.
Elaboraron bocadillos a base de conservas de atún, sardiñas, mexilóns..., combinados con queixo e distintos vexetais (tomate, leituga, millo...). Tamén explicáronnos, todos os valores nutritivos que teñen. Para finalizar agasallaron aos nenos cunha gorra.

Para finalizar a mañá, recibimos a visita de Olga, directora do refuxio de Cambados, que veu con tres canciños para explicarnos: o que fan para protexer aos animais abandonados, que coidados necesitan os animais, cantas veces hai que darlles de comer ao día, a necesidade de sacalos de paseo...Ensinounos como é un microchip e a importancia de que o leven para, en caso de perderse, poder identificar aos seus donos. Vimos con ela o conto "el perro de color melón" e, agasallounos con algúns contos de "Sultán non ten microchip" para a nosa biblioteca. 

Nós pedimos ás familias, a través dunha nota, que todos os que puideran trouxeran este día materiais (colares, correas, produtos de limpeza, periódicos, pensos, latas, antibióticos...) ou cousas para vender no mercadillo e así, axudar ao refuxio de Cambados para continuar co seu labor de rescatar e coidar aos animais abandonados. A resposta foi impresinante, por isto queremos agrader a todos a súa colaboración.

ROLO MAR E TERRA

Estamos realizando un obradoiro de cociña coas distintas aulas, para elaborar a receita “rolo mar e terra”. Para a súa preparación, cada neno está traendo da casa unha rebanda fina de peituga de pavo e o resto de ingredientes que pon o colexio son: tortiña de trigo, queixo de untar, atún e leituga.

Os pasos que seguimos para a súa elaboración foron:

Primeiramente vamos ao noso invernadoiro para coller a leituga.

Despois cada neno lava a súa folla e pártea en anaquiños pequenos.

Untamos a tortiña co queixo e botámoslle enriba, por este orden, o atún ben picadiño, a leituga e a rebanda de peituga de pavo.

A continuación, imos enrolando a tortiña pouco a pouco e para rematar poñémoslle tres palillos, para que non se desfaga, e cortámola en tres anacos. 

Aquí tedes aos nenos de Leiro comendo o seu roliño. 

Mirade como comen o seu roliño.

                                                    
                                                    Unha vez preparado...¡todos a comelo!

                                                      Aquí os tedes comendo o seu rolo.

E aquí están os nenos de Ribadumia A comendo o seu rolo

Despois, escribimos o nome da receita e o dos ingredientes que utilizamos para facela.

DIAN FOSSEY

Na aula de natureza, estivemos lendo o conto sobre Dian Fossey da colección “Pequeña &Grande” da Editorial Alba. 

Foi unha das grandes mulleres da historia, das que aprender e coa que identificarse. Era tímida e de carácter forte, e estas características da súa personalidade tal vez foron determinantes para que se dedicara de forma absoluta e incondicional a defensa dos gorilas. Os seus estudos cambiaron moito as opinións que se tiñan destes animais, sobre os que existía o prexuízo de que eran violentos e carnívoros. Tamén creou conciencia en contra da súa caza furtiva que estaba acabando con eles. 

Moita xente opina que se non fora pola súa dedicación, hoxe en día estes animais serían unha das especies desaparecidas.

Digit foi o nome que lle puxo a un dos gorilas co que logrou máis comunicación.  A súa conexión foi tan grande, que permitíalle xogar coas súas crías e dáballe a súa propia man. Os cazadores furtivos acabaron matándoo nunha emboscada e, Dian nunca logrou superar a súa morte.

Despois de contar a súa historia estivemos traballando o seu nome e o do seu amigo.

Tamén aprendemos a facer un gorila de forma fácil.

SORTEAMOS MÁIS LEITUGAS

No invernadoiro, xa temos máis leitugas listas para comer e estamos realizando o seu sorteo entre os nosos alumnos. A nosa intención é que todos os nenos leven, polo menos, unha verdura.