COMENDO A COLIFLOR DO NOSO INVERNADOIRO

Estefanía mandounos unhas fotos da súa filla Clara, da aula de Sisán, comendo a coliflor que lle tocou no sorteo. Dinos que, aínda que non lle gustan as verduras, animouse a probala.

QUE BOA TEN QUE ESTAR ESA COLIFLOR CON OVOS E PATATAS!

Vanesa, a mamá de Mario da aula de Sisán, enviounos unhas fotos de Mario comendo a coliflor que lle tocou e tamén da receita especial que fixo con ela.

Dinos que como ten a peculiaridade do forte cheiro e que non resulta moi atraínte para os nenos, decidiu camuflala nunha comida que sempre triunfa como é a pizza. Así, fixeron unha base de pizza de coliflor.

Para se alguén quere realizala, mandounos os pasos que hai que seguir para a súa elaboración:

- Raiar ou picar moi fina a parte branca da coliflor.

- Poñela no microondas a máxima potencia durante oito minutos.

- Sacala e mesturala con queixo raiado e un ovo batido.

- Estender a masa dándolle a forma que queiramos.

- Meter a base no forno durante 20 minutos ata que quede un pouco tostada.

- Quitala e poñer enriba todos os ingredientes que queiramos.

- Volver a metela no forno.

¿ANIMÁDESVOS A FACELA NAS CASAS?

Mila tamén mandou unhas fotos da súa filla Martina, da aula de Ribadumia A, comendo a coliflor que lle tocou.

A receita que fixeron con ela foi “coliflor gratinada con beicon”.

QUE RICA TEN QUE ESTAR!

MOITAS GRAZAS POLAS FOTOS E POR COMPARTIR CONNOSCO AS VOSAS RECEITAS SAUDABLES

PLANTANDO ACELGAS

 Os nenos da aula de Leiro, estiveron plantando acelgas no invernadoiro.

Máis fotos neste ENLACE.

COLIFLOR

As coliflores que plantamos no invernadoiro xa medraron, e estamos realizando o seu sorteo entre os nenos do C.R.A. Deste xeito, poderán facer con elas riquísimas receitas nas casas.

DÍA DA ENERXÍA

Hoxe, 14 de febreiro, é o día da enerxía.

Para conmemoralo estivemos traballando o conto “Laura y compañía: ahorramos energía”. Nel, Laura e os seus amigos están lendo un conto onde a protagonista é una bruxa moderna chamada Sasha que vai ensinándonos cales son as diferentes fontes de enerxía (o sol, o vento, a electricidade…) e que cousas podemos facer nas casas para aforrala.

Despois estivemos  imaxinando que pasaría se non tiveramos auga quente, nin calefacción, nin luz… Chegamos á conclusión de que sería un desastre para todos, xa que estamos acostumados a vivir con todas estas cousas.

Por iso, temos que apagar as luces cando faga bo día,  non ter moito tempo aberta a neveira e as billas de auga quente, non ter a televisión acendida cando non estamos mirándoa, apagar o ordenador cando non o usamos,  utilizar menos o coche e no seu lugar andar ou ir en bicicleta…

Despois, na aula de natureza, estivemos realizando una ficha coa que lembrarnos desta data. Nela os alumnos tamén fixeron o seu debuxo da bruxa Sasha.

Entre todos, e con estas pequeñas accións, podemos aforrala.

LIMÓNS E LARANXAS

Hoxe estivemos recollendo os froitos de dúas das árbores froiteiras que plantamos, fai anos, no xardín.

Primeiramente os nenos de Leiro colleron do limoeiro os limóns que xa estaban maduros.

E despois os alumnos de Ribadumia apañaron as laranxas da laranxeira que tamén estaban listas para comer.

Todas estas froitas repartíronse entre o grupo de nenos de cada aula, para que todos levaran algunhas para degustar na casa.

Pinchando AQUÍ tedes un enlace a unha receita, que fixemos na aula, e que podedes realizar tanto cos limóns como coas laranxas.

DÍA DA PAZ

A Organización das Nacións Unidas declarou o 2021 como o Ano Internacional da Paz e da Confianza, co fin de promover o entendemento e cooperación entre as Nacións. Hoxe, día Escolar da Non Violencia e a Paz, queremos ensinarvos as actividades desenvolvidas na aula de contribuír a lograr ese obxectivo.

Primeiro estivemos lendo o conto “Mi espacio propio” de Pippa Goodhart. Nel, o coello protagonista quere un espazo para el só no que lle deixen ler tranquilo, no que haxa silencio e non lle interrompan.  Por todo isto, limita unha zona cunha liña vermella que non permite que ninguén a traspase. Pero ao final dáse de conta de que estar cos demais tamén é bo.

A través desta lectura o que se pretende é ensinar aos nenos que temos que saber convivir, non só as persoas unhas con  outras senón tamén cos animais que nos rodean. Por isto, estivemos falando de que temos que ser amigos de todos, axudarnos, resolver os conflitos sen pegarse nin gritar, saber escoitar, coidar ás mascota e non maltratalas nin abandonalas… Despois escribiron o título do conto e buscaron algunhas palabras representativas deste día.

Para rematar as actividades desta conmemoración, tamén fixemos un mural ao que puxemos por título “Temos que convivir todos”. Para confeccionalo, os alumnos debuxaron nenos e nenas que pegamos unidos facendo un círculo. Tamén fixeron animais domésticos, utilizando o libro “Como dibujar animales” de Susaeta, e puxémolos no centro. Desta forma queremos representar que debemos convivir en paz e en harmonía os uns cos outros

RECEITA COA VERDURA SORTEADA

No correo da aula de natureza, recibimos unha foto de Manuel comendo o brócoli que lle tocou con patacas e bacallau.

QUE RICO!

GRAZAS POLA FOTO!

ALGÚNS ANIMAIS QUE PODEMOS ATOPAR NA RUTA DA PEDRA E DA AUGA

Na aula de natureza, continuando coa Ruta da Pedra e da Auga, estivemos vendo e coñecendo algúns animais que podemos atopar no seu percorrido e leito fluvial.

A través de imaxes e vídeos coñecemos e descubrimos: como é a metamorfoses da libélula e de que cores podemos atopalas, que é un anfibio e como se transforma ao medrar, como o zapateiro ou patinador de auga flota coas súas patas sobre a superficie da auga, as cores e o canto da lavandeira e o ferreiriño real, cal é a razón de que á corixa tamén reciba o nome de barqueiro, como atrapa a ra as presas etc… 

BRÓCOLI CON OVOS E PATATAS

Marta de Leiro, mandounos unha foto comendo o brócoli que lle tocou no sorteo das verduras que van estando listas para a colleita. 

Tamén enviou outra, para amosarnos os alimentos cos que acompañou esta verdura.

QUE APETITOSO!

GRAZAS POLA FOTO!

Se queredes enviar fotos dos nenos comendo a verdura que lles toca no sorteo, este e o correo da aula de natureza:

blogdenatureza@gmail.com

BRÓCOLI

O brócoli que plantamos no invernadoiro xa medrou, e estamos realizando o seu sorteo entre os nenos das distintas aulas do C.R.A.