SORTEAMOS ACELGAS

As acelgas que plantamos no invernadoiro xa medraron e están listas para recoller, por iso estamos procedendo ao seu sorteo entre os alumnos do C.R.A.

PROXECTO COIDAMOS O MEDIO AMBIENTE

Na escola estamos cun proxecto sobre que cousas podemos facer para coidar o medio ambiente.

Para comezar vimos o conto “¿Por qué debo reciclar?” de Jeen Green e Mike Gordon. Nel, os protagonistas da historia, dan resposta a preguntas como ¿Por qué é importante reciclar?, ¿Cómo clasificar o lixo?, ¿Qué materiais podemos reutilizar?... Tamén falamos de que nós, cos nosos contedores para clasificar o lixo e o noso boneco Piliñas (para a recollida selectiva das pilas), estamos poñendo o noso gran de area para acadar o obxectivo de conservar o medio ambiente.

Despois estivemos vendo de que cores son os contedores e que basura hai que tirar en cada un. É, aproveitando que veu ao colexio Rocío a explicarnos que é o compost e con que se fai, tamén repasamos que podemos meter na composteira para facer “terra máxica” (abono orgánico).

Para rematar traballamos o importante que é non contaminar o aire e evitar os ruídos é que podemos facer para contribuír a su redución

CONVIVENCIA CÓS AVÓS DA RESIDENCIA DOMUSVI

Dentro do Plan Proxecta Voluntariado Miúdo: Movete!, o venres 3 de maio tivemos unha mañá de convivencia cos avós da Residencia DomusVi de Ribadumia. Temos que dar as grazas a Andrés, que foi o que organizou a visita é esta colaborando connosco en todo o que queremos facer en torno aos avoíños.

Estas son as actividades que realizamos:

Mentres que os avós almorzaban xogamos no seu fermoso xardín cun paracaídas  e despois libremente.

Andrés ensinounos as instalacións da residencia: o comedor, ximnasio e sala de rehabilitación, perruquería, consultorio médico e sala de curas, sala de estar e televisión, lavandería…

Despois tivemos un taller de manualidades cós superavós, para facer os traxes dos nenos que formaban parte da obra de teatro que se ia a realizar a continuación. 

As mestras Montse, Olalla música e Olalla Educación Física e Informática, representaron unha obra de teatro baseada no conto “Avós” de Kalandraka.

Tamén cantamos para eles “supermayores” que escribiu a profe Montse.

Para a merenda tiñan preparado unha bolsiña para cada neno cunha mazá, unha botella e auga e un chupa chups.

E para rematar a mañá, plantamos no xardín un castiñeiro, unha pereira, unha maceira e unha ameixeira.

Foi unha xornada moi divertida e emotiva cos avoíños e persoal da residencia, é estámoslles moi agradecidos pola acollida e cariño mostrado cara os nosos alumnos. 

AROMÁTICAS

Os alumnos de Ribadumia A saíron ao xardín para plantar aromáticas. As escollidas foron: salvia, ourego e alfábegas.

                                                                                         SALVIA

                                                                                      ALBAHACA

                                                                                         OUREGO

 Máis fotos AQUÍ.

OS MAIOS E A COMPOSTAXE

Onte, 30 de abril, tivemos a festa dos Maio no C.R.A de Ribadumia.

Como todos os anos, as familias colaboraron traendo fiúnchos, flores, ovos baleiros, laranxas…

Durante a mañá realizamos diversas actividades:

Montamos o Maio.

Fixemos, na entrada da escola de Leiro, o cartel desta celebración con flores, paus e pedriñas.  

Os nenos elaboraron cadenetas de pampullos e ovos para adornar o Maio.

Grazas ao programa educativo “Apúntate á compostaxe” de CEIDA (en colaboración coa Deputación de Pontevedra),  tivemos a visita de Rocío que trouxo con ela ao caracol Ecocol e veu para explicarnos que é a “terra máxica” (compost), que cousas podemos utilizar para facelo e que animaliños axudan a elaboralo. Tamén xogaron, cos cinco sentidos, a adiviñar cousas que poden formalo e viron un vídeo de Pepa Pig no que esta familia ensina aos nenos como se fai o reciclaxe dos residuos orgánicos domésticos e como os pequenos bichiños comen estes restos para producir o compost. E para finalizar plantaron unha faba nunha maceta de cortiza reciclada.

Merendamos riquísimos doces elaborados polas familias dos nosos alumnos.

Para rematar a festa, familias, mestres e nenos, bailamos ao redor do Maio acompañados do grupo musical Demos da Petaca (agasallo da ANPA do nodo colegio). 

PLANTANDO MÁIS FLORES NO XARDÍN

Os nenos da aula de Leiro estiveron plantando no xardín xeranios.

Podedes ver máis fotos neste ENLACE.