REPOLOS E COLIFLOR

Os alumnos de Ribadumia B estiveron plantando no invernadoiro repolos. 

Esta hortaliza pertence ao grupo das “ follas “, xa que é a parte da planta que comemos.

Podedes ver máis fotos AQUÍ.

E os nenos de Lois estiveron plantando  no invernadoiro coliflor.

Que pertencen ao grupo das “ flores “ , por ser esta a parte que nos comemos.

 Máis fotos neste ENLACE.
  

Despois de plantar, traballamos na aula o nome das hortalizas e o lugar onde as plantamos.

CLASIFICACIÓN DAS HORTALIZAS

Estamos aprendendo a que grupo pertencen algunhas hortalizas, segundo a parte da planta que é comestible.

PROXECTO: AS HORTALIZAS

Na aula de natureza xa comezamos a traballar as hortalizas.

Estivemos conversando sobre o importante que é consumilas, xa que son un alimento moi nutritivo que ademais contribúe a hidratar o noso organismos debido ao seu alto contido de auga.

Despois de facer a portada deste proxecto, falamos sobre a súa clasificación atendendo a parte da planta que comemos.

A NOSA PARTICULAR SELVA AMAZÓNICA

Nas aulas do CRA de Ribadumia están traballando o conto " Cartas de Felix o explorador ". A través das misivas que Felix (a lebre protagonista) envía a súa amiga Sofía, os alumnos están coñecendo moitas cousas dos países que vai percorrendo.

Este curso iniciouse coa súa visita “ A Selva Amazónica “. Mestres e alumnos, cos libros da nosa biblioteca e o material que aportan as nosas familias, estamos coñecendo moitas cousas desta rexión de América do sur (animais, plantas, froitos…).

Para colaborar con este proxecto, na aula de natureza decidimos transformar a nosa biblioteca nunha "pequena Selva Amazónica"…

Aquí tedes algunhas fotos do que fixemos:

   -Para entrar na biblioteca elaboramos unha cortina de lianas con follas de cartolina pintadas polos nenos.

           -Polo teito colgamos lianas nas que penduramos follas e animais da Selva Amazónica.

        -Ensinamos aos alumnos a debuxar animais desta rexión paso a paso. Despois pintáronos e cada un pegou o seu nun mural da selva realizado en papel continuo.

Se queredes ver os traballos que se están realizando no CRA de Ribadumia sobre A Selva Amazónica, pinchando AQUÍ tedes na dereita os enlaces aos blogs das aulas.

COMEZAMOS A PLANTAR NO INVERNADOIRO

Aproveitando que na aula de natureza iniciamos un proxecto sobre as hortalizas, comezamos a plantar no invernadoiro leitugas.

Esta actividade foi realizada polos nenos das aulas de Ribadumia B e Lois.

RIBADUMIA B

 LOIS

 Podedes ver máis fotos neste ENLACE.

Despois de plantar, traballamos na aula o nome desta hortaliza e o lugar onde a plantamos.

ERICAS, AZALEAS E UÑAS DE GATO

Os alumnos de Leiro estiveron plantando no xardín…

                                                                            ERICAS

                                  AZALEAS

                    E UÑAS DE GATO

                        Máis fotos AQUÍ.

DÍA MUNDIAL DA ALIMENTACIÓN

Hoxe, mércores 16 de outubro, é o Día Mundial da Alimentación.

Este ano, baixo o lema “ Agricultura familiar: Alimentar ao mundo, coidar o planeta “, a FAO (Organización das Nacións Unidas para a Alimentación e a Agricultura) pretende facer fincapé na necesidade de valorar o importante papel da agricultura familiar, e os pequenos agricultores,  na erradicación da fame e a pobreza no mundo.

Nós, na aula de natureza, estivemos falando sobre cal é a finalidade da celebración deste día:

-       -Que consumamos alimentos sans (froitas, verduras, peixe, cereais…)

-       -Recordarnos que hai persoas, en moitos países, que morren de fame por non ter  alimentos suficientes ou necesarios para sobrevivir.  

Tamén, aproveitando este acontecemento, iniciamos un proxecto sobre as hortalizas a través do que imos traballar: os seus nomes, a súa clasificación atendendo a parte da planta que comemos, os seus cores, inimigos…

A nosa primeira actividade foi elaborar a portada…

VERBENAS

Os alumnos de Sisán, estiveron plantando verbenas no xardín…

Primeiro, como os nenos das outras aulas, estiveron poñendo as luvas…

Despois, na aula de natureza, estiveron escribindo o nome da planta.

Podedes ver máis fotos AQUÍ.

CICLAMEN

Seguimos enchendo de flores o noso xardín… esta vez foron os nenos de Ribadumia A os encargados de plantar ciclamen.

Antes, para protexer as mans, puxeron as luvas.

Despois, na aula de natureza, estiveron escribindo o nome da planta.

Se queredes ver máis fotos pinchade neste ENLACE.

TAXETES

Os alumnos da aula de Lois estiveron plantando taxetes no xardín.

Como no viveiro non había suficientes para todos, a Martina tocoulle plantar unha verbena.

Antes de facelo, tiveron como primeiro traballo poñer as luvas…

Despois, na aula de natureza, estiveron escribindo o seu nome.

O taxete e unha planta da que é moi doado recoller as súas sementes. Cando murchan e secan as súas flores, dentro delas podemos atopar moitas. Cando chegue ese momento, recollerémolas e os nenos poderán levalas ás casas para poder sementalas.   

Máis fotos AQUÍ.