PLANTANDO NO INVERNADOIRO

 Esta semana estivemos plantando verduras e hortalizas no invernadoiro.

RIBADUMIA B – ASA DE CÁNTARO

LOIS - REPOLOS

RIBADUMIA A - BRÓCOLI

LEIRO - PORROS

SISÁN - COLIFLOR

DÁNDOLLE UNHA NOVA VIDA AO LIXO

Como adultos temos que ter presente que @s nos@s nen@s aprenden por imitación “copiando” todo o que ven, e a medida que van medrando toman como referencia aos adultos do seu entorno máis próximo (pais, avós, mestres …). Por iso, é moi importante que prediquemos co exemplo xa que é a mellor forma de incorporar os bos hábitos a súa rutina. Se ven que botamos o lixo á rúa ou desperdicios á auga, eles adoptarán esta actitude por considerar que é a correcta.

Os nenos teñen facilidade para aprender de todo xa que son curiosos, interésanse polo mundo que lles rodea e gústalles participar. Por iso, esta semana, estivemos mirando algúns obxectos que podemos reutilizar dándolle unha nova vida e tamén, que cousas podemos facer con eles.

Ensinarlles a reciclar e reutilizar é unha das mellores cousas que podemos facer para mellorar o noso entorno, ao tempo que os guiamos para que aprendan como coidar o Planeta.

DÍA INTERNACIONAL CONTRA EL CAMBIO CLIMÁTICO

Hoxe, 24 de outubro, é o Día Internacional contra o Cambio Climático.

Con esta celebración, trátase de concienciar sobre os grandes danos que se están xerando como consecuencia do cambio climático e, ao mesmo tempo, mobilizar e sensibilizar a todas as persoas a cerca dos seus efectos e o perigo que implica.

Por iso, é importante explicarlles @s nos@s alumn@s que eles poden participar activamente para protexer o noso Planeta a través de hábitos diarios como:

-Non malgastar a auga.

-Aforrar enerxía apagando ordenadores e televisores cando non os utilicemos, as luces cando non sexan necesarias, non tendo a neveira moito tempo aberta…

-Reciclando.

-Camiñando, andando en bicicleta ou transporte público no lugar de utilizar o coche.

-Plantando árbores.

-Facendo compost con mondas de froitas, herbas malas… para abonar as nosas plantas e verduras, no lugar de usar abonos químicos.

Despois estivemos mirando o vídeo de Happy Learning “El Cambio Climático. Aprende sobre el cambio climático y nuestro Planeta”, que explica de forma sinxela que cousas podemos facer para detelo.

A continuación lemos o conto "bichiños de luz" de Paula Inés Villanueva, que explica como Luciana (un vagalume), un forte vento o afasta do bosque onde vive coa súa familia. Desorientada, encontra a Julián que lle vai axudar a volver a casa. Nesta busca enfrontaranse coa realidade da destrución da natureza por parte das persoas, pero tamén descubrirán lugares descoñecidos onde non todo está perdido.

Con esta lectura, o que pretendemos é que @s nos@s alumn@s tomen conciencia de que hai moitas actividades humanas que teñen consecuencias sobre a natureza.

QUE GRANDES SON OS XIRASOLES!

A profe Ángeles, tróuxonos algúns xirasoles que xa morreron para que @s nen@s puideran ver o grandes que son e as súas sementes.

Primeiramente miramos na pantalla dixital o conto cantado “girasol” e tamén “Celeste  y el girasol” de Mempo Giardinelli. Esta última historia, esta narrada polo pai de Celeste, que observa día a día como a súa filla vai construíndo unha relación afectiva con unha flor de xirasol.

Despois cada alumn@ foi contando e collendo sementes da planta para metelas nun sobre e levar para casa.

Agora non poderán plantalas, terán que esperar ata a primavera para facelo e así ver como van medrando.

Para rematar, puxemos ao lado da planta e quitamos fotos para que @s nen@s puideran comprobaran canto máis grande era que eles. 

DÍA DA ALIMENTACIÓN

Hoxe, 16 de outubro, é o día da alimentación.

O obxectivo desta conmemoración é promover unha alimentación saudable e erradicar a fame. É moi importante que nen@s e adultos tomemos conciencian de que alimentos son fundamentais para o noso desenvolvemento físico e mental.

O tema deste ano 2025 é “Man da man por uns alimentos e un futuro mellores”. A través del queren expor as catro melloras que son necesarias: unha mellor produción, mellor nutrición, mellor medio ambiente e unha mellor vida.

Na aula de natureza, estivemos falando de que debemos comer e cales é necesario comer menos para crecer sans.

Despois lemos o conto “Sanotes, sanitos”, no que unha nena chamada Valentina sofre dor de barriga por comer demasiados doces. A súa nai explícalle que hai “bichiños” bos e malos no seu corpo, e que os malos aumentan cos doces, mentres que os bos coidan a saúde.

A través deste libro, a nutricionista Blanca García-Orea quere que dende pequenos se traballen os hábitos alimentarios saudables.

Despois cada nen@ díxonos cal e a verdura ou hortaliza e cal a froita que máis lle gustaba, e a continuación rodeounas.

COLLEITA DE MARMELOS

Esta semana, @s alumn@s de Lois e Leiro levaron para as casas os froitos do marmeleiro para facer en familia o doce de marmelo. 

DÍA DOS ANIMAIS

Hoxe, 4 de outubro, é o día dos animais.

Esta conmemoración, promovida pola Organización Mundial de Protección Animal, ten como obxectivo frear a extinción de moitas especies.

E, a mellor forma de celebralo é respectando a todos os seres vivos que conviven connosco no Planeta.

Nós, na aula de natureza, estivemos lendo un precioso conto que leva por título “Fieras encantadoras. Una verdad sorprendente”. A través das súas follas, o que pretende é ensinar a nen@s e adultos a observar con atención aos animais e non xúlgalos a primeira vista, sen coñecer a súa cara máis fascinante e descoñecida.

Cantas cousas aprendemos sobre os gorilas, quenllas, rinocerontes, hienas, polbos, lobos, arañas, morcegos, abellas…

Despois desta lectura, cada nen@ rodeou aqueles animais que xa lle gustaban máis despois de descubrir cousas deles pouco coñecidas.

Nas aulas de Ribadumia B e Sisán tamén fixeron uns bonitos animais.

ACONDICIONANDO O INVERNADOIRO

Despois de quitar as malas herbas do invernadoiro, estivemos poñendo máis terra nos parterres.

O próximo paso será plantar rica e saudables verduras.

COMO TRABALLAN ESTOS NEN@S!!

Hoxe, @s alumn@s de Leiro estiveron enchendo de terra dúas mesas de cultivo que mercamos para ter máis sitio onde plantar verduras e hortalizas.

E @s de Sisán recolleron a colleita de marmelos do noso marmeleiro. Aínda non están maduros de todo, pero para que non se estraguen debido aos cambios de temperatura, puxémolos en dous barreños dentro da escola. Nuns días, poderán levalos @s nen@s as casas para facer marmelo.