VIOLAS

Os alumnos de Lois, estiveron plantando no xardín violas.

Máis fotos AQUÍ.

COMEZAMOS A PLANTAR NO XARDÍN

Os nenos da aula de Ribadumia B, foron os primeiros en empezar a plantar 

no invernadoiro. A planta escollida foi o ciclamen.

Máis fotos dos alumnos neste ENLACE.

O CARBALLO CON BOTAS

Esta semana estamos lendo o conto de Anxo Moure “O carballo con botas”.

Nós, como neste libro, imos coller landras e plantalas en botas vellas para empregalas como viveiros forestais. Así, poderemos comprobar como dentro de algo vello pode xurdir a vida.

INVERNADOIRO CHEO DE VERDURAS

Xa temos o invernadoiro cheo de verduras e hortalizas, agora temos que coidalas para que medren e podamos facer o seu sorteo entre os alumnos do C.R.A.

MAGOSTO-SAMAÍN

Onte, venres 31 de outubro, tivemos a nosa festa do Magosto-Samaín.

Nenos e mestres disfrazámonos de zombis.

Durante a mañá realizamos as seguintes actividades:

As familias trouxeron cabazas decoradas nas casas e fixemos unha exposición con todas elas.

Grazas ao Programa Medioambiental de Voz Natura, do que somos un dos colexios participantes, recibimos no noso centro a dous Gardas Civís que viñeron para impartir unha charla aos nosos alumnos sobre o labor que levan a cabo dende o Servizo de Protección da Natureza (Seprona).

Explicáronnos que a súa misión é a de concienciar a todos que hai que coidar o medio ambiente e que, algunhas das cousas que tratan de evitar e erradicar son: vertidos contaminantes, comercio ilegal de especies de flora e fauna, incendios forestais, pesca ilegal, caza furtiva, maltrato animal.

Despois proxectaron unha pequena historia sobre a ecopatrulla, que son tres cativos que percorren varios puntos de Galicia guiados por axentes forestais da Xunta e efectivos de Seprona aprendendo a coidar o medio ambiente e previr lumes.

Tamén ensináronnos fotos dos animais que rescatan e axudan, utensilios que utilizan para coller serpes, cans agresivos etc… E para finalizar, os nenos puideron ver e tocar a súa cadeliña Lea.

Tamén tivemos a visita da agrupación músico-cultural de Ribadumia, que viñeron para tocar e cantar connosco cancións que xa coñeciamos. Os nenos aprenderon os nomes dos seus instrumentos e puideron probar como soaban.

Merendamos riquísimos doces terroríficos.

Contamos contos de medo e algunhas mestras fixeron a representación do conto “fruta para la bruja”.

Bailamos o Thriller de Michael Jackson que os alumnos ensaiaron coa mestra Olalla de música

 E a bruxa preparou a súa apócema máxica que inventou para convertir a xente en xombis.

E para rematar, os nenos levaron nun brick de leite reciclado e decorado castañas que trouxeron as familias.

Temos que dar as grazas as familias pola súa colaboración traendo as cabazas decoradas, castañas, carozos para asalas, doces…

E sobre todo, aos pais/nais que estiveron asando as castañas e axudando en moitos momentos da festa. 

Na foto non aparecen todos, pero queremos que saiban que estamos moi agradecidas pola súa colaboración.

PLANTAMOS PORROS

Los alumnos de Sisán plantaron porros no invernadoiro..

Podedes ver máis fotos neste ENLACE.

Leitugas, brócoli, repolos, coliflor e porros. Xa temos o invernadoiro cheo de verduras e hortalizas, e agora temos que coidalas para que medren e poder facer o seu sorteo entre os alumnos do C.R.A.

COLIFLOR

Hoxe estivemos plantando coliflor no invernadoiro.

 Os nenos que realizaron esta tarefa foron os de Ribadumia A.

 Máis fotos neste ENLACE.

REPOLOS

Os nenos de Lois plantaron repolos no invernadoiro.

Podedes ver máis fotos pinchando AQUÍ.