BRÓCOLI

Os alumnos de Ribadumia B, estiveron plantando brócoli no invernadoiro.

 Tedes máis fotos neste ENLACE. 

Imos a encher o invernadoiro de verduras e hortalizas e, unha vez que medren, faremos o seu sorteo entre os alumnos do C.R.A para que poidan preparar nas casas riquísimas receitas.

COMEZAMOS PLANTANDO NO INVERNADOIRO

Hoxe, luns 22 de outubro, comezamos a plantar no invernadoiro. 

Ata agora non o fixemos, xa que tiñamos un desnivel moi pronunciado e perigoso 

ao lado do invernadoiro. 

Temos de dar as grazas ao Concello por poñer unha valla que solucionara este problema.

Como foi solucionado, puidemos empezar a nosa tarefa. 

Os primeiros en facelo foron os nenos da aula de Leiro e, a verdura escollida foi a leituga.

Primeiramente, antes de plantar, puxerons as luvas.

 Podedes ver máis fotos pinchando AQUÍ.

DÍA MUNDIAL DA ALIMENTACIÓN

Mañá, martes 16 de outubro de 2018, é o Día Mundial da Alimentación.

Co lema “As nosas accións son o noso futuro. Un mundo #HambreCero para 2030 é posible”, este ano queren facer un chamamento global á acción (individual, en grupo e colectiva) para tratar de xerar os cambios que se precisen na construción dun mundo libre de fame e con suficientes alimentos nutritivos para todos.

Algunhas das cousas que podemos facer nós para contribuír a esta causa son:

Non tirar a comida. Se sobra, podemos conxelala, gardala na neveira ou usar os ingredientes para outro xantar.

Producir máis con menos. Encontrar novas formas de cultivar alimentos que sexan máis produtivas e diversificar os cultivos.

Adoptar unha dieta máis saudable. Hai que preparar comidas máis nutritivas, pero vivimos nun mundo acelerado no que case non hai tempo para preparalas. Pero os alimentos beneficiosos para a nosa saúde, tamén se poden comer de forma rápida e sinxela utilizando só uns poucos ingredientes (compartindo receitas, seguindo a cociñeiros para aprender a cociñar cousas novas…).

Na aula de natureza ademais de falar de todo isto, estamos realizando as seguintes actividades:

Unha ficha para lembrar esta data. Nela, como as froitas son moi importantes na alimentación diaria, cada neno tamén debuxou (de forma fácil) a súa favorita.

Aquí tedes outras froitas que debuxaron

Un semáforo de alimentos, a través do que aprenderon a clasificar algúns segundo debamos comelos todos os días, en cantidades moderadas e non todos os días e só ocasionalmente.

LIMPANDO O XARDÍN

Esta semana, estamos limpando o xardín para poder plantar e enchelo de cores.

DÍA MUNDIAL DOS ANIMAIS

Hoxe, 4 de outubro, é o Día Mundial dos Animais. 

O propósito desta data, é lembrar a importancia dos animais cós que compartimos o noso Planeta. Moitas veces son vítimas da crueldade, por iso temos que defendelos para que a xente os respecte e coide.

Nós, na aula de natureza, estivemos falando de que temos que coidalos e non facerlles dano. Despois os nenos/as contaron que mascotas tiñan nas casas e canto as querían.

A continuación lemos dous contos onde son os protagonistas:

“Amigos” de Andrea Hensgen e Beatrice Rodríguez. Que trata dun solitario neno que todos os días camiña a súa escola e durante o traxecto debe enfrontarse a situacións que o atemorizan (a escuridade dun túnel, o ladrido dun can…). Pero unha tarde atópase cun can que tamén está só e que, dende ese momento, será o seu fiel compañeiro.

“Hay una vaca en la nevera” de Amaia Cía e Ricard Zaplana. Neste libro podemos atopar unha gran aventura. Tan enorme como o corazón da vaca Carola Quesodebola que un día aparece na neveira dunha familia.

Tamén fixemos unha ficha para lembrar esta data. Nela, cada neno/a tiña que debuxar un animal.

Aquí tedes máis...

Có libro “Como dibujar animales” da editorial Susaeta, aprenderon a facelo de xeito sinxelo, seguindo os pasos que se lles indicaba.

     

SEMENTES DE TAXETE

Os taxetes que plantamos o curso 2017-18 no xardín morreron e collémolos. Cada neno/a:
- Puxo nun sobre o seu nome e o desta planta.
- Quitáronlle as sementes aos taxetes que se recolleron.
- Metéronnas no seu sobre.
Leváronnas as casas para poder plantalas nos seus xardíns o en macetas.

CANTO MEDRARON AS NOSAS MASCOTAS!

Esta primeira semana, na aula de natureza, os nenos novos estiveron coñecendo 

as nosas mascotas e os demáis vendo canto medraron. 

A nosa tartaruga Borja xa está máis grande e tivemos que cambiarlle o seu acuario, 

e os peixes tamen medraron moito.

Estiveron dándolles de comer e despois falamos de que, durante o curso, cada 

día un neno/a de cada aula será o responsable desta actividade.

COLLENDO AS ABELÁS DA NOSA ABELEIRA

Os nenos da aula de Leiro, estiveron collendo as abelás que deu a nosa abeleira. 

Con elas van preparar algunha receita no seu taller de cociña. Cando o fagan, subirémola a este blog para que poidades facela nas vosas casas.

INICIAMOS O CURSO 2018-19

Un ano máis, volvemos a ser un dos colexios participantes no programa medioambiental de Voz Natura.

Na súa 22ª edición, queren dar especial protagonismo á preservación e coidado dos montes e bosques. Protección, recuperación e posta en valor da súa riqueza, conservación da súa biodiversidade e sensibilización social sobre a problemática dos incendios forestais.

Nós, todas as actividades que realizamos na aula de natureza van encamiñadas a que os nosos alumnos/as:

    - Descubran o proceso de crecemento dalgunhas plantas e as súas necesidades, coidados e as técnicas de cultivo tradicional.

        - Coñezan  a orixe dos alimentos que tomamos. 

      - Recoñezan a importancia do emprego de abonos naturais para o xardín e invernadoiro (elaboración de compost).

            - Aprendan a: Separar os residuos orgánicos dos inorgánicos a través da recollida selectiva e reutilizar algúns (botellas de plástico decoradas para facer de macetas, medias vellas para elaborar saquiños aromáticos...) 

           - Coñezan a importancia da terra, sol, aire e auga, non só para as plantas  e árbores, senón tamén para todos os seres vivos. 

         - Desenvolvan comportamentos responsables respecto a tarefas de interese común e, aprendan a traballar en equipo. 

    Este curso 2018-19 co noso proxecto "A terra e a nosa casa. Coidémola!", ademais de realizar tarefas medioambientais, tamén imos levar a cabo traballos e actividades para contribuír á conservación dos nosos bosques e montes a través de: 

          - Concienciar sobre a importancia dos bosques e montes. Os bosques e montes son moito máis que un grupo de árbores acumulados nun espazo natural. Son esenciais para reducir as consecuencias do cambio climático ou desastres naturais, para a conservación da biodiversidade, proporcionan vivendas e moitos postos de traballo, contribúen a mellorar a alimentación mundial e son unha fonte de enerxía renovable. Por todo isto, hai que loitar para impedir a deforestación dos mesmos. Dende a escola, podemos concienciar aos nosos alumnos da importacia de facer un uso correcto dos elementos creados con árbores ademais de animar a plantalos 

           - Aproveitar os produtos de papel e madeira. Hai que facer un uso responsable dos produtos e bens que proveñen dos bosques e montes, utilizando só o imprescindible. Aproveitando os papeis polas dúas caras, reutilizando os envoltorios ou papeis de regalo...

       - Reciclar o papel e o cartón. Algo tan sinxelo como reciclar papel ou cartón, supón importantes beneficios para o coidado dos nosos bosques e montes. Tamén podemos adquirir produtos de papel e cartón reciclados. É importante, explicarlles por qué facemos esta separación e os seus efectos: menos tala de árbores, menos gasto de enerxía 

         - Reutilizar. Hai que ensinarlles a aproveitar todo o posible os elementos que van a acabar no lixo. Podemos utilizalos como materiais para manualidades relacionadas coa natureza, co que axudaremos ao seu acercamento ao medio ambiente.

      - Limpeza. Ademais de que aprendan sobre a reciclaxe e a reutilización, é moi importante que comprendan que non hai que ensuciar. Temos que fomentar o uso de papeleiras e prohibir que se tiren desperdicios ao chan. Teñen que entender que o entorno é de todos e que si colaboramos podemos manter os bosques, montes, parques, colexios..., sen suciedade. O coidado do medio ambiente comeza por conservalo limpo e saudable.