CONCURSO ESCOLAR “CUIDEMOS EL MEDIO AMBIENTE”

A Asociación Mundial de Educadores Infantís (AMEI-WAECE) co patrocinio da empresa de papelería e material escolar Produtos Imedio, convoca un concurso escolar co obxectivo de concienciar aos nenos da necesidade de coidar o medio ambiente. Nos xa participamos o curso 2012-13, gañando un segundo premio.

Este curso, intentámolo de novo cun traballo a través do que pretendemos recoller todas as cousas que podemos facer para coidar o noso Planeta.

Esta é a nosa proposta:

Portada có título

Resumo da intención do noso traballo

¿Qué podemos facer para coidar o Medio Ambiente?

Hai que utilizar abonos naturais

Un contedor para cada cousa

Plantar árbores. Son vida é saúde 

Non contaminar o aire

Non malgastar a auga. É de todos.

Aforrar electricidade

Fotos de todo o que facemos nos, na escola, para coidar o medio ambiente

Agora hai que esperar a que saia a lista dos premiados…

 SORTE A TODOS!

A AUGA

Na aula de natureza imos comezar un novo proxecto sobre a auga.

Estas son as primeiras actividades que realizamos:

A súa portada.

Experimentar e descubrir que a auga non ten nin sabor, nin olor nin cor.

PATACAS E REPOLOS

O martes, foron os nenos da aula de Ribadumia B os encargados de continuar plantando no invernadoiro. Esta vez, as plantas elixidas foron: patacas (que trouxo a profe María) e repolos.

PATACAS 

REPOLOS

Máis fotos AQUÍ.

PEMENTOS E PORROS

Estamos enchendo, o noso invernadoiro, de verduras e hortalizas para que cando medren facer o seu sorteo entre os alumnos do CRA e tamén algunha receita para merendar no recreo.

O xoves foron os alumnos, da aula de Ribadumia A, os encargados de plantar porros e pementos.

                                                              

                                                          PORROS

 

                                                        PEMENTOS

Se queredes ver máis fotos pinchade AQUÍ.

COGOMBROS

Continuamos plantando no invernadoiro…

Esta vez, foron os nenos da escola de Lois os encargados de plantar cogombros…

Máis fotos neste ENLACE.

LEITUGAS PARA O INVERNADOIRO

Despois de que nos arranxaran o invernadoiro tivemos que botar abono. Unha vez máis, temos que dar as grazas a Albert e Ana (pais de Albert da escola de Sisán) que foron os que o trouxeron.

Como xa estaba todo listo comezamos a plantar leitugas cos alumnos da escola de Leiro.

Antes de realizar esta tarefa, na aula da natureza, estivemos poñendo as luvas, lembrando as normas de uso das ferramentas e como hai que facer para non estragar as plantas.

Aquí tedes algunha foto dos nenos plantando…

 

Se queredes ver máis fotos pinchade AQUÍ.

OS NOSOS MURAIS PARA CONMEMORAR O DÍA INTERNACIONAL DOS BOSQUES E DA AUGA

Na aula de natureza, realizamos as seguintes actividades para conmemorar estes días:

-     Día Internacional dos Bosques. Primeiro estivemos falando da importancia que teñen para nos é de todos os beneficios que nos proporcionan. Despois pintamos unha árbore xigante e, en follas, puxemos algunhas das cousas que podemos facer para coidalas e protexelas.

-       Día da auga. Primeiro lembramos o importante que é para a vida de animais, plantas e persoas e que hai moita xente no mundo que non ten a cantidade de auga necesaria para vivir. Despois pintamos o mural e estivemos escribindo, en gotas de auga, que cousas podemos facer para non malgastala.

MÁIS ÁRBORES

Aquí tedes algunhas características doutras árbores que estamos traballando na aula de natureza…

O bidueiro… que soe medrar á beira dos ríos…

A cerdeira… que da unhas froitas, moi ricas, chamadas cereixas.

A figueira… Da que obtemos os figos. Uns froitos moi brandos e doces, de pel fina e carne chea de sementes miúdas.

AS PRAIAS FAVORITAS DAS NOSAS FAMILIAS

Xa está en marcha, en todas as aulas, o “Caderno viaxeiro: As nosas praias”.
Aquí tedes algunhas das praias favoritas das nosas familias.

DÍA INTERNACIONAL DOS BOSQUES E DA AUGA

Hoxe, 20 de marzo, é o día Internacional dos Bosques e mañá, 21 de marzo, o día da Auga.

Nestes días temos que reflexionar sobre a importancia que teñen nas nosas vidas as árbores e a auga, pero sobre todo temos que concienciarnos de que o coidado do Planeta está tamén nas nosas mans e que depende moito do que nos fagamos.

Nos vindeiros días, subiremos ao blog todas aquelas actividades que fagamos para conmemorar estes días.

TODOS XUNTOS PODEMOS