ALIMENTACIÓN SAUDABLE

O venres 10 de xuño, grazas ao ANPA do CRA de Ribadumia, tivemos un obradoiro de alimentación saudable. A finalidade era que os nenos, dentro da variedade de alimentos, tiveran a capacidade elixir probando para desenvolver o seu propio gusto.

Laura foi a encargada deste taller, no que os nosos alumnos pasárono moi ben e comeron sa.

Primeiramente cada neno colleu unha verdura ou hortaliza, para a continuación ir dicindo os seus nomes. Tamén estiveron enumerando algúns alimentos saudables.

Despois, antes de metelas nun cubo con auga, intentaron adiviñar se ían flotar ou afundir.

Para rematar, cada alumno preparou unha tosta. Os ingredientes que tiñan para facelo eran: pan, crema de cacahuete, mazá, plátano, sementes, queixo  en crema… Tamén había un iogur para cada un, que algúns tomaron e outros levaron para as casas.

Laura trouxo tamén para cada neno unhas follas onde poden ver as froitas e hortalizas do mes de agosto, que alimentos deben ir nun prato nutritivo e opcións para facer tostas saudables.