CESPIÑO

Aquí vai unha proposta, de algo que xa fixemos na escola fai uns aniños. 

Para recuperala poñerei fotos de Borja e Carla, que son dous ex alumnos de Leiro, que a realizaron nese momento.

Imos crear a CESPIÑO, que é un gracioso boneco ao que médralle o pelo.

Para a súa elaboración necesitamos:

Unha media curta 

Terra

Sementes de céspede ou alpiste

Fío groso ou goma para facerlle o nariz e as orellas

Un vaso (podedes reutilizar algún de plástico que teñades por casa)

Unha maceta pequena que teñamos por casa

Pasos a seguir:

Metemos a media por dentro do vaso e a enganchamos por fora del.

A continuación introducimos, na punta da media, as sementes de herba ou alpiste e seguidamente a terra ata acadar o tamaño de boneco que desexemos. Lembrade premer moito para que non queden ocos.

Despois facemos dous nós, para que non saia nada, e cortamos o que sobra da media.

Para facerlle o nariz, os nenos/as beliscan a media (collendo algo de terra) e nós facemos un nó co fío groso ou goma. Realizamos a mesma operación para as orellas.

Para os ollos e a boca na escola utilizamos pintura de dedos, pero podedes realizalos con ollos móbiles, feltro, botóns, rotuladores permanentes etc… Tamén  estaría gracioso con bigote, barba, coloretes, etc.

Para rematar mollamos a cabeza do boneco (isto tedes que facelo ata que medre o pelo) e poñémolo no vaso que utilizamos con auga. 
Todo isto, podemos metelo dentro dunha maceta pequena para que teña máis estabilidade.

Cando teña moito pelo, podemos facerlle moitos peiteados e incluso cortalo.

Mirade como foi medrando o pelo, e como quedaron os que fixemos na aula de natureza.

Tamén podedes poñerlle nome ao voso boneco con pelo de herba.

Estou desexando ver os vosos Cespiños!