FIXEMOS ARRANXOS NO INVERNADOIRO E COMEZAMOS A PLANTAR…

Como a terra do invernadoiro era moi dura e con moitas pedras, moitas das verduras e hortalizas que se plantaban non medraban. É por isto que, para poder ter unha maior cantidade e altura de terra branda, decidimos facer parterres utilizando taboleiros de madeira.

Dende este blog, queremos dar as grazas a todas as persoas que colaboraron para que isto fora posible:

-       Os nenos, que nos axudaron a limpar o invernadoiro quitando as malas herbas, pedras…

-       Os operarios do Concello que estiveron sachando para remover e abrandar a terra.

-       O papá de Martiño (alumno de Leiro), que nos fixo os taboleiros.

-       O profe Rafa que fixo os parterres de madeira, axudou a poñelos e a enchelos de terra.

Aquí tedes unha foto de cómo están quedando.

 

Aínda que non rematamos todos os parterres, xa imos plantando no que está feito. Os primeiros en facelo foron os alumnos da aula de Leiro que, como xa medraron as sementes de perexil transplantáronas ao invernadoiro.

 

 

 

Se queredes ver máis fotos dos nenos, pinchade neste ENLACE.