DÍA INTERNACIONAL DOS BOSQUES

Hoxe, 21 de marzo, é o Día Internacional dos Bosques.

As árbores son esenciais para manter a vida na Terra e desempeñan un papel moi importante na loita contra o cambio climático.

Na aula de natureza estivemos falando do valiosas que son xa que axudan a limpar o aire, son refuxio para moitos animais, dan froitas e sombra…

Despois estivemos lendo dous contos:

-"La pequeña bellota", que narra o ciclo de vida do carballo.

-"Árbores no camiño", onde un neno chamado Karim pérdese ao separarse da súa mamá e, rodeado de árbores e animais o seu medo inicial da paso á protección que lle ofrece a nai natureza como un máis dos seus fillos. 

Este amparo ten que ser recíproco, e nós tamén debemos respectalos e preservalos para garantir a súa rexeneración e función ecolóxica a longo prazo.

Despois, para lembrar esta data e a súa importancia, fixemos unha actividade que consistía en que cada nen@ tiña que debuxar unha árbore, plasmando a súa propia percepción da mesma. 

Despois eliximos tres delas, e elaboramos unha chapa para que cada alumn@ puidera levala a casa para lembrar esta conmemoración.

CADERNO VIAXEIRO

O caderno viaxeiro deste curso 2025-26, que leva por título “Creacións con elementos da natureza”, xa está percorrendo os fogares do noso alumnado.

Esta vez, teñen que realizar un colaxe ou manualidade utilizando elementos da natureza como follas, paus, piñas, landras, pedras, flores silvestres, sementes…

O contacto coa natureza para buscar todos estes materiais será unha forma de que aprendan sobre ela, a descubran e se sintan parte da mesma.

Con esta actividade tamén queremos estimular a súa creatividade, observación, paciencia e concentración durante a creación, así como fomentar o xogo.

Para a súa realización imos procurar danar o menos posible o medio ambiente.

Unha vez que teñan a manualidade ou colaxe, nunha das folla deste caderno:

- @ nen@ poñerá o seu nome.

- Escribiran que foi o que fixeron.

- Os materiais que se empregaron.

- No recadro grande pegaran a/as foto/s para que vexamos o realizado.

O día que veñan co caderno, tamén poderán traer o realizado para que ensinarllo aos seus compañeir@s e mestres.

COMENDO ASA DE CÁNTARO

A familia de Gael mandounos unha foto do seu fillo comendo a asa de cántaro, que lle tocou, con con chorizo e patacas.

 Tamén Lara a comeu con polo, chourizo e patacas

ENSALADA DE LEITUGA

Aquí tedes as ricas e saudables ensaladas que fixeron Alma, Yaiza e Abril coas leitugas que levaron do colexio. 

QUE RICO O BRÓCOLI!!

A mamá de Hugo, mandounos unhas fotos do seu fillo comendo o brócoli que lle tocou no sorteo das verduras do noso invernadoiro, que xa estaban listas para a colleita.

SORTEO LEITUGAS

Esta semana, tamén estamos facendo o sorteo das leitugas que plantamos no invernadoiro. 

LIMPANDO O XARDÍN

Esta semana Ribadumia A estivo limpando o xardín.

Como tivemos moitas semanas de choiva, temos que volver a limpalo para poder enchelo de flores de cores. 

ASA DE CÁNTARO

Xa estamos realizando o sorteo da asa de cántaro, que plantamos no invernadoiro, entre o noso alumnado.

RECEITA SAUDABLE

E, xa temos receita co brócoli que sorteamos!!

QUE RICO E SAUDABLE!!

DÍA DA ENERXÍA

 Hoxe, 14 de febreiro, é o día da enerxía.

Todos temos que usala de forma responsable, xa que é unha forza que fai que as cousas funcionen e cambien. Sen ela non habería luz, nin electrodomésticos, nin poderíamos ir en coche…, por iso temos que aforrala e utilizar tamén outras fontes de enerxías máis limpas e que non contamina como poden ser o sol e o vento.

Na aula de natureza, estivemos lendo o conto “¿Por qué debo ahorrar energía? (editorial Anaya), no que os protagonistas dannos resposta a preguntas como: ¿Por que é importante non malgastala? ¿Que podemos facer para contribuír ao aforro enerxético? (mercando electrodomésticos que non consuman moita enerxía, cerrando as ventás canto está a calefacción posta, apagando as luces cando fai bo día e hai claridade, duchándonos e non bañándonos, utilizando menos o coche e no seu lugar coller o autobús, tren, ir andando…, apagando o ordenador cando non se usa…).

A continuación vimos un vídeo de Smile Learn, para aprender que tipos de enerxía hai.

Tamén falamos do etiquetado enerxético que traen os electrodomésticos e aparellos eléctricos, que permite comprobar cales consumen menos e polo tanto axudan a protexer o medio ambiente.