PLANTANDO SEMENTES DE TAXETE EN MACETAS

Os/as nenos/as das aulas de Lois e Ribadumia A estiveron plantando sementes de taxete en macetas.

LOIS

 Máis fotos AQUÍ.

RIBADUMIA A

Tedes máis fotos neste ENLACE.

Para que xerminen máis rápido puxémolas no invernadoiro (así están máis quentiñas). 

Cando medren, cada alumno/a levará a súa para adornar na casa.

BERZAS E REPOLOS FADO OU CORAZÓN BOI

Os/as alumnos/as de Ribadumia B, estiveron plantando no invernadoiro...

BERZAS

REPOLOS CORAZÓN FADO OU CORAZÓN BOI

 Podedes ver máis fotos AQUÍ.

PREPARANDO RODAS PARA PLANTAR NELAS

A mestra María, da aula de Ribadumia A, tróuxonos unhas rodas grandes e pequenas para poñer no noso xardín e plantar nelas. Puxemos na base follas secas e despois, coa axuda da mestra Angeles, os/as nenos/as das aulas de Leiro e Ribadumia B estiveron levando cubos de terra (que collemos na parte do xardín onde estaba antes a composteira)  para enchelas. 

PEQUENAS PLANTAS DE TOMATE

As sementes de tomate, que plantaron os/as alumnos/as de Leiro, xa xerminaron e naceron pequenas plantiñas que separamos e transplantamos a macetas. Cando medren algo máis, cada neno/a levará a súa maceta para plantar na terra e poder ter unha boa colleita de tomates.

Podedes ver máis fotos neste ENLACE.

BRÓCOLI E COLIFLOR LISTOS PARA COMER

Xa medrou o brócoli e a coliflor e xa están listos para comer. Como coas outras verduras e hortalizas, estamos facendo o seu sorteo entre os alumnos/as das distintas aulas.

BO NADAL!

SORTEAMOS REPOLOS

 Algúns dos nosos repolos xa medraron e están listos para que os nosos/as alumnos/as poidan levalos as súas casas para comer. 

Estes son os/as nenos/as aos que lles tocou nos sorteos que fixemos polas aulas.

2016 ANO INTERNACIONAL DAS LEGUMES

Seguindo co noso proxecto sobre os alimentos, traballamos as legumes.

Estivemos falando de que a Asemblea Xeral das Nacións proclamou o 2016 como o Ano Internacional das Legumes e, designou á Organización das Nacións Unidas para a Alimentación e a Agricultura (FAO) para que facilitara a súa celebración.
Os obxectivos son desta proposta son:
- Concienciar da súa importancia nas dietas saudables, e a súa contribución á seguridade alimentaria e nutricional.
- Promover o seu valor e utilización na nosa alimentación e, os seus beneficios para a fertilidade do chan.
- Acadar unha maior produción de legumes.

A PIRÁMIDE DE ALIMENTOS

Para continuar co noso proxecto sobre os alimentos fixemos unha pirámide. 

Primeiramente, os/as alumnos/as colorearon as letras do mural.

 Despois pintaron as froitas e verduras (estivemos mirando nos libros da nosa biblioteca como eran as súas cores) e escribiron os seus nomes en papeis adhesivos. 

Para rematar, pegáronas no mural diferenciando unhas de outras.

E así está quedando...

A nosa intencion é traballar na aula de natureza cada grupo de alimentos, e a 

continuación poñer os seus debuxos e nomes na pirámide.