SORTEO LEITUGAS

Esta semana, tamén estamos facendo o sorteo das leitugas que plantamos no invernadoiro. 

LIMPANDO O XARDÍN

Esta semana Ribadumia A estivo limpando o xardín.

Como tivemos moitas semanas de choiva, temos que volver a limpalo para poder enchelo de flores de cores. 

ASA DE CÁNTARO

Xa estamos realizando o sorteo da asa de cántaro, que plantamos no invernadoiro, entre o noso alumnado.

RECEITA SAUDABLE

E, xa temos receita co brócoli que sorteamos!!

QUE RICO E SAUDABLE!!

DÍA DA ENERXÍA

 Hoxe, 14 de febreiro, é o día da enerxía.

Todos temos que usala de forma responsable, xa que é unha forza que fai que as cousas funcionen e cambien. Sen ela non habería luz, nin electrodomésticos, nin poderíamos ir en coche…, por iso temos que aforrala e utilizar tamén outras fontes de enerxías máis limpas e que non contamina como poden ser o sol e o vento.

Na aula de natureza, estivemos lendo o conto “¿Por qué debo ahorrar energía? (editorial Anaya), no que os protagonistas dannos resposta a preguntas como: ¿Por que é importante non malgastala? ¿Que podemos facer para contribuír ao aforro enerxético? (mercando electrodomésticos que non consuman moita enerxía, cerrando as ventás canto está a calefacción posta, apagando as luces cando fai bo día e hai claridade, duchándonos e non bañándonos, utilizando menos o coche e no seu lugar coller o autobús, tren, ir andando…, apagando o ordenador cando non se usa…).

A continuación vimos un vídeo de Smile Learn, para aprender que tipos de enerxía hai.

Tamén falamos do etiquetado enerxético que traen os electrodomésticos e aparellos eléctricos, que permite comprobar cales consumen menos e polo tanto axudan a protexer o medio ambiente.

SORTEO BRÓCOLI

O brócoli que plantamos no invernadoiro xa comeza a estar listo para a colleita, por iso estamos realizando o seu sorteo entre o noso alumnado.

ESTAMOS DESEXANDO VER AS RECEITAS PREPARAN CON EL!!

DÍA DA PAZ

Hoxe, 30 de xaneiro, é o día da Paz. Coñecido tamén como Día Escolar da No Violencia e a Paz, celébrase en honor Mahatma Gandhi no aniversario da súa morte.

Na aula de natureza, estivemos falando do importante que é ser amable cos demais, axudarse e resolver os conflitos de forma pacífica.

Para conmemoralo, estivemos lendo dous contos:

“Me quedo contigo” de Smriti Halls. Que conta a amizade entre Oso e Esquío, dous animais que, a pesar das súas diferenzas, son grandes amigos que 

non poden vivir sen estar xuntos. 

“Encuentra un amigo” de María S. Costa. A Coello e Esquío encantaríalles encontrar un amigo. Os dous animaliños están tan ocupados coas súas propias vidas que, en diversas ocasións, perden a oportunidade de encontrarse… ¿Ocorrerá algún día ou continuarán sen coñecerse?.

Despois escribimos esta data, o que conmemoramos este día e debuxamos de forma fácil os tres animaliños que aparecen nos dous contos.

DÍA DOS PINGÜÍNS

 Hoxe, 20 de xaneiro, é o día dos Pingüíns.

Nas aula de Sisán e Ribadumia, decidimos conmemoralo apadriñando un pingüín coincidindo coa Campaña de Apadriñamento de Pingüíns 2025-26.

Illa Decepción é o lugar onde viven estes pingüíns e no que está emprazada a Base Antártica Española Gabriel de Castilla, na que se encontra a XXXVIII Campaña Antártica do Exercito de Terra (CAET) que ten como compromiso apoiar a preservación deste continente e do medio ambiente.

Con esta adopción queremos acadar un compromiso ambiental apoiando a protección deste continente e os seus ecosistemas, contribuír a que sobrevivan ata a idade adulta e coiden aos seus fillos e, facer do Planeta Terra un lugar máis limpo, saudable e equilibrado coa natureza.

Tivemos que elixir o pingüín entre varias especies que viven aquí:

Pingüín Papúa, que é rápido como un raio nadando e ten o pico laranxa brillante.

Pingüín Barbijo, que ten unha liña negra baixo o queixo e unha gran capacidade vocal.

Pingüín Adelia, que é pequeno pero valente e constrúe o seu niño con pedras.

Pingüín Macaroni, que ten un peiteado punk de plumas amarelas e salta entre as rochas como un acróbata.

Despois escollemos un nome para el entre todos, e puxemos que a razón de apadriñar é a nosa preocupación pola extinción destes animais tan bonitos e curiosos.

E XA RECIBIMOS O DIPLOMA DO NOSO APADRIÑAMENTO!!

Se queredes apadriñar dende a casa, podedes entrar neste ENLACE.

É OS SUPERHEROES DA AULA DE NATUREZA SON…

As mestras do CRA de Ribadumia xa votaron para escoller ó superheroe da aula de natureza.Temos que dicir que custounos moito, xa que todos eran moi bonitos.

Ao final eliximos dous:

Supermariquita, que vai ser a encargada de lembrarnos que temos que coidar as plantas, árbores,animais e utilizar abonos naturais (compost) para que as nosas verduras sexan máis sas, enriquecer o chan e reducir a cantidade de lixo que vai ós vertedoiros.

Coidador da natureza, que será o que recordará que temos que reducir a cantidade de lixo, reutilizar, reciclar, aforrar auga e luz e evitar os fumes. 

COLIFLOR E ROMANESCO PARA O INVERNADOIRO

Este venres, 9 de xaneiro, @s alumn@s de Leiro e Sisán estiveron plantando verduras no invernadoiro.

LEIRO – COLIFLOR

SISÁN – ROMANESCO

O romanesco e unha verdura que nunca plantamos, pero este curso decidimos facelo. Ten outros nomes como: brócoli romanesco ( polo seu parecido en cor ao brócoli), coliflor romana ( debido a que o seu orixe e da rexión de Roma en Italia e a súa relación coa coliflor), romanescu (outra forma de chamala en español ), broccoflower ( palabra en inglés que mestura as dúas verduras ás que se asemella ).

O aspecto é moi curioso, o sabor e unha mestura entre brócoli e coliflor con un toque doce a noz, e moitas propiedades nutritivas.

 Así que…

TEMOS QUE PROBALO!!