Como xa
temos limpo o invernadoiro, tócanos facer o mesmo co xardín.
Os/as alumnos/as de Lois son os primeiros en comezar con esta tarefa. E moi grande, e imos necesitar varios días para deixalo limpo e así poder comezar a plantar.
As herbas malas que recolleron, leváronas para o composteiro para facer compost.
Como temos dos castiñeiros, tamén estiveron apañando castañas para levar ás casas.
Os/as
nenos/as da aula de Ribadumia B son os primeiros en iniciar as actividades da
aula de natureza este curso 2025-26.
Despois de poñerse as luvas e mandís, para non mancharse, fomos a limpar o invernadoiro para poder plantar verduras.
QUE TRABALLADORES!!
DEIXARON TODO LIMPO!!
Como facemos sempre, as herbas malas que recollemos nas carretas levámolas ó composteiro para que os bichiños as coman e as convertan nun abono moi nutritivo e sa para as verduras que plantemos.
Para rematar estivemos collendo as castañas que caeron dos nosos castiñeiros. Fixémolo con moito coidado, e abrindo os ourizos cos zapatos para non pincharnos con eles. Despois cada alumno/a levou algunhas para casa para degustar en familia.
Como todos
os cursos, ao inicio, recollemos a colleitadas nosas árbores froiteiras.
Esta
vez atopámonos con que case non tiñamos froitas debido a os paxaros e abellas que
as comen, pero tamén a xente que entra no noso xardín as leva. Ao non ter
cerrado esta zona estámonos atopando con moitos problemas como romper os plásticos
do invernadoiro, botar lixo no contedor onde recollemos a auga da choiva ou
abrir a billa e desperdiciala toda, levar plantas…
As únicas que puidemos apañar foron as castañas e os marmelos.
O
vindeiro curso, se volvemos a atoparnos co mesmo problema, serán outras aulas
as que levaran a colleita.
Esta
semana estivemos recollendo algunhas das froitas que deron as nosas árbores.
Debido
aos cambios de tempo, paxaros e abellas, hai algunhas que non puidemos apañar
como: mazás, figos e marmelos (estes últimos podrecéronse estando aínda verdes).
O
que si tivemos e colleita de limóns e castañas que os nenos puideron levan para
degustar en familia.
LEIRO COLLENDO LIMÓNS
RIBADUMIA B COLLENDO
CASTAÑAS
Para non pincharnos cos ourizos, utilizabamos os pés para abrilos e poder coller o froito.
Abelás,
castañas, figos, mazás…, estes días estivemos recollendo a colleita das nosas
árbores froiteiras para que os nosos alumnos puideran degustar estas froitas
nas súas casas.
LEIRO (FIGOS E MAZÁS)
Como
as follas da figueira poden dar alerxia e hai moitas abellas coméndoas,
colleunos a mestra con luvas. Despois repartímolos entre os alumnos.
Os nenos de Leiro tamén estiveron recollendo as mazás que había polo chan. As que estaban boas puxémolas nunha cunca para comer nas aulas e as que estaban malas metémolas na composteira para facer compost.
RIBADUMIA B (CASTAÑAS)
Como ourizos pinchan, foi a mestra a encargada de abrilos para que os alumnos puideran coller as castañas que había dentro.
LOIS (ABELÁS)
Tivemos
que buscar moito para atopar as abelás, xa que estaban agochadas polo chan debaixo
das follas.
RIBADUMIA A (MAZÁS)
SISÁN (CASTAÑAS)
Esta
semana, ademais de ver cales son as ferramentas e utensilios que usaremos no
xardín e explicar cales son as súas normas de utilización, tamén estivemos
recollendo os froitos dalgunhas das árbores froiteiras que temos no noso
xardín.
Despois
os nenos os levaron para degustar nas casas.
ABELÁS
Non resultou fácil apañalas, xa que algunhas estaban agachadas debaixo das follas secas e outras aínda metidas nas brácteas que é o envoltorio que rodea o froito e que en moitos casos e máis grande que el.
FIGOS
Como as súas follas poden dar reaccións alérxicas, a mestra foi a encargada de collelos da árbore utilizando luvas.
CASTAÑAS
Para
que os nenos non se pincharan, a mestra sacounas cos pés e eles encargáronse de coller as castañas que xa estaban fora dos ourizos polo chan.
