AS PLANTAS E AS ÁRBORES.

Outra  das actividades que estamos realizando é a de coñecer algunhas cousas sobre as plantas e árbores como: as súas partes, por onde comen e beben, que coidados necesitan…

Os nenos de 3 anos fixeron unha ficha na que foron poñendo pegatinas de distintos cores na parte da planta que a mestra lles indicaba (flor, folla, raíces).

Cos nenos de 4 e 5 anos traballamos e escribimos os nomes das partes dunha árbore.

OS NOSOS ESPAZOS E RECURSOS…

Esta semana estamos adicándoa a que, os nenos que se escolarizan por primeiro ano noso centro, coñezan os espazos e recursos nos que imos realizar as actividades da aula de natureza. Os alumnos de 4 e 5 anos axúdannos,  durante o percorrido para poder velos, a lembrar que tarefas realizamos en cada un dos espazos (xardín, invernadoiro e biblioteca) e que ferramentas utilizamos (luvas, pas, restrelos…)

Tamén fixemos unha ficha para traballar os nomes de cada un destes recursos.

COMEZAN AS ACTIVIDADES DA AULA DE NATUREZA…

A partir de hoxe, luns 22 de setembro, iniciamos as actividades en torno ao xardín dos sentidos.

Un ano máis, a Fundación Santiago Rey Fernández-Latorre aprobou o proxecto que presentamos para participar, neste curso 2012-13, na 16ª edición do seu programa medioambiental de Voz Natura. O título que lle puxemos foi:

“O MEDIO AMBIENTE DEPENDE DE NÓS !COIDÉMOLO!”

Nesta edición, baixo o lema “BUSCA ALTERNATIVAS”, preténdese dar especial protagonismo ás actividades relacionadas coas enerxías sostibles e, concienciar e fomentar o aforro enerxético, o consumo responsable e a utilización de enerxías alternativas.