ADIVIÑAS

 Esta é a última actividade que realizamos na aula de natureza.

Os nenos tiñan nunha folla algunhas froitas, verduras e hortalizas. Tamén en varias metades de folios, estaban escritas as adiviñas de cada unha delas.

Entre todos iamos lendo cada unha e tratando de buscar as respostas coas pistas que nos daban.

Despois a pintaban, recortaban e a pegaban por detrás da folla correspondiente. 

Unha vez que rematamos, fixemos un libriño co que recollelas todas xuntas.

QUEREDES XOGAR TAMÉN CONNOSCO!

Pois a ler e tratar de acertar a resposta!

Para saber se o lograstes, só tedes que pinchar nela e aparecerá a froita, verdura ou hortaliza da que nos fala.

TI SI QUE ES UN BO PEIXE

A Consellería do Mar dentro do programa “Aliméntate ben”, do que formamos parte un curso máis, organizou a actividade “Ti si que es un bo peixe” para o alumnado dos colexios que participan nel.

Entre o xoves e o venres Uxía (científica do mar) e Roque (peixeiro) foron percorrendo as aulas do CRA de Ribadumia, para ensinarnos moitas cousas relacionadas cos peixes, mariscos e algas.

Así, faláronnos das características, vitaminas, proteínas e minerais que nos proporcionan e  como se pescan a pescada, vieira, percebe, nécora, robaliza, linguado… Tamén coñecemos os argazos (algas), que se xuntan e fan bosques submarinos, e descubrimos como se collen e preparan para que se poidan mercar.

Conectamos con Peix, que o ten no ordenador Uxía e é o asistente virtual que lle axuda a recoller as peculiaridades de cada unha destas especies, para así saber todas as cousas boas que nos proporcionan ao comelos.

Para rematar tivemos o visionado dun vídeo karaoke cunha coreografía que aprenderon previamente os nenos.

TAMÉN TROUXERON AGASALLOS PARA CADA NENO!

ACELGAS PICANTES

Elisabeth, a mamá de Valentina da aula de Ribadumia A, mandounos a receita de “acelgas picantes” que fixo coas que lle tocaron a súa nena no segundo sorteo das verduras e hortalizas do noso invernadoiro que estamos recollendo.

Se queredes realizala na casa, aquí tedes como tedes que facer:

- Sofrito de allo e engadir unhas “guindillas vermellas” que van ser as que lle dean o toque picante.

- Necesitamos ovos “poché”, e Elisabeth para facelos méteos en film transparente e resistente a alta temperatura. Despois deixa cocer 5 minutos.

- Agregamos as acelgas co allo e as “guindillas” e deixamos que se fagan lentamente.

- Cocemos unhas patacas.

- Despois para servir poñemos as patacas cocidas primeiro, despois as acelgas e para rematar os ovos “poché”.

TEN QUE ESTAR RIQUÍSIMO!

REVOLTO DE ACELGAS, OVOS E BACON

Mirade que riquísimo revolto de acelgas, ovos e bacon, fixo Sara (a nai de Diana de Ribadumia) con estas verduras que lle tocaron a súa nena no segundo sorteo da colleita do noso invernadoiro.

Para realizalo, primeiramente hai que cocer a verdura cos ovos, despois facer un sofrito co bacon e para finalizar mesturar todo.

TEN  QUE ESTAR DELICIOSO!

MARTA COMENDO A SÚA LEITUGA

Patricia, a mamá de Marta de Ribadumia B, mandounos ao correo unha foto da súa filla comendo a leituga que lle tocou no segundo sorteo, das verduras e hortalizas, entre nenos maiores.

Dinos que quedou encantada, xa que lle gusta moito!

QUE BEN MARTA!

BRAVO POR COMER TAN SA!

MÁIS VERDURAS E HORTALIZAS

Acelgas, leitugas, cabaciñas… Como seguimos tendo máis colleita de verduras e hortalizas, estamos facendo o seu sorteo entre os nenos maiores que rematan a etapa de Educación Infantil no noso centro.

Algúns xa a levaron, e colgamos a foto noutra entrada (Marta de Leiro, Alejandro de Lois, Clara de Sisán, Valentina de Ribadumia A e Marta de Ribadumia B).

Aquí tedes aos alumnos que as están levando estes días. 

FAI CLIC AO TEU BOCATA

Un curso máis volvemos a participar no Programa “aliméntate ben”, co que se pretende traballar a alimentación saudable.

Esta semana, dentro deste programa, tivemos o obradoiro “Fai clic ao teu bocata” e recibimos a visita de Mar, Roi e Alex que son uns científicos que estudan aos peixes, e que viñeron para ensinarnos o bo que é para a nosa saúde o seu consumo en conservas. Os nenos coñeceron os seus nomes, como son, os aparellos que utilizan os pescadores para collelos e como se enlatan.

Despois déronnos uns deliciosos bocadillos que contiñan sardiñas, queixo, leituga e tomate.

E deixaron todos estos agasallos para cada nenos!

REVOLTO DE ACELGAS

José Manuel mandounos unhas fotos da súa filla Carla, da aula de Ribadumia B, cociñando un revolto coas acelgas que lle tocaron no sorteo das verduras que plantamos no noso invernadoiro.

AQUÍ TEDES Á CHEF CARLA!

QUE RICO O REVOLTO!

MÁIS RECEITAS DAS NOSAS FAMILIAS

Sonia, a mamá de Sofía de Ribadumia B, mandounos unhas fotos da tortilla que fixeron con patacas, ovos, cebola e as acelgas que lle tocaron.

MIRADE QUE TORTILLA MÁIS APETITOSA!

Sofía di que estaba DELICIOSA!

As que lle sobraron, conxeláronas para repetir a receita.

CABAZAS

Hoxe, día do Agricultor, queremos colgar as fotos dos nenos de Sisán plantando as cabazas que Vanesa, a mamá de Mario, tróuxonos para poñer no noso xardín.

Máis fotos AQUÍ.

Esperemos ter moitas para a celebración do Magosto-Samaín do vindeiro curso.

MOITAS GRAZAS VANESA!

Tamén queremos felicitar a todos os nosos pequenos agricultores que, co seu traballo e esforzo, acadan que teñamos un xardín tan bonito e unha gran colleita de verduras e hortalizas.