ATA SETEMBRO…

Dende a aula de natureza queremos desexarvos a todos que o pasedes moi ben nestas vacacións de verán.

¡ VÉMONOS EN SETEMBRO!

AS ÚLTIMAS VERDURAS DESTE CURSO...

Xa está rematando o curso é os nenos están levando as últimas verduras que están listas para a colleita.

É a quenda das LEITUGAS…

TAXETES NO NOSO XARDÍN

Os alumnos da Sisán, estiveron plantando taxetes no xardín.

Ao inicio do vindeiro curso, recolleremos as súas sementes para poder plantalas cando chegue a primavera.

Se queredes ver máis fotos pinchade AQUÍ.

DÍA DO MEDIO AMBIENTE

Mañá, 5 de xuño, é o día do medio ambiente. Este ano, a sede onde se vai celebrar esta data é Río de Xaneiro (Brasil). Co lema: “Economía verde:¿inclúete?” a Organización das Nacións Unidas, ten como obxectivo sensibilizar a través dos temas medioambientais a todo o Planeta, motivando ás persoas para que cooperen e sexan seres activos ante a natureza.

Todos contamos e está nas nosas mans poder ter un futuro máis limpo e verde realizando accións como: organizar unha limpeza do noso barrio e dos bosques do entorno, reciclar, plantar unha árbore, ir camiñando ao traballo, usar a bicicleta…

No C.R.A de Ribadumia elaboramos o noso cartel para conmemorar este día con traballos feitos polos nenos sobre o coidado e protección da biodiversidade.

Durante esta semana, na aula de natureza, lembraremos a importancia desta data e as cousas que nos podemos facer para coidar o medioambiente

PLANTAMOS AMORODOS

Os nenos de Leiro estiveron plantando amorodos no xardín. Como estas froitas son tan sabrosas, estamos desexando que vaian medrando para ver se nos da tempo a preparar algunha receita con elas.

Tedes máis fotos neste ENLACE

XA TEMOS CEBOLAS

As cebolas, que plantamos no xardín, xa medraron e están listas para que os nenos as vaian levando para as súas casas.

O LIMOEIRO XA DEU MÁIS FROITOS

Seguimos sorteando, entre os nenos das diferentes escolas, os limóns que vai dando o noso limoeiro.

COLEOS E SEMENTES DE CABAZA E PRIMAVERA

O xoves, estiveron plantando os nenos de Ribadumia de 4-5 anos…

COLEOS

SEMENTES DE CABAZA

SEMENTES DE PRIMAVERA

Se queredes ver máis fotos pinchade AQUÍ

PEMENTOS DE PADRÓN E APIO

Os alumnos de Lois estiveron plantando, no parterre das plantas comestibles, apio e pementos de Padrón.

APIO

PEMENTOS DE PADRÓN

Hai un refrán que di: “coma os pementos de Padrón, uns pican e outros non”.

Para que sexan poucos os que piquen, temos que lembrarnos de regalos moito...

Máis fotos dos nenos de Lois PLANTANDO