CELEBRAMOS XUNTOS AS LETRAS GALEGAS!

Aquí tedes o vídeo co que o C.R.A de Ribadumia, quere desexarvos a todos un...

 FELIZ DÍA DAS LETRAS GALEGAS!

Nel participaron mestres e familias e, para a música utilizouse a versión que fixo o

 grupo Astarot do poema de Rosalía de Castro “Adios ríos, Adios fontes”.

Montouno a porfe Lupe con todos os vídeos que lle mandamos.

MOITAS GRAZAS LUPE POLO TEU TRABALLO!

QUEDOU CHULÍSIMO!

MOITAS GRAZAS FAMILIAS POLA VOSA PARTICIPACIÓN!

DÍA DAS LETRAS GALEGAS

Hoxe, 17 de maio, tamén celebramos o día das Letras Galegas.

Este ano esta dedicado ao escritor Ricardo Carvalho Calero, que defendeu o idioma galego e escribiu moitos libros no noso idioma.

Un dos seus libros máis famosos é “As pitas baixo a choiva”. Nel, conta unha cousa que lle pasou de pequeno cando quería recoller as galiñas que se mollaban coa choiva e acabaron todos mollados como pitos: as galiñas, el e toda a súa familia.

Dende a aula de natureza, para conmemorar este día decidimos que os nenos e as súas familias elixiran o nome do animal e da árbore que para eles era o máis fermoso ou significativo.

E aquí tedes os que recibimos:

Marcos de Leiro, xunto coa súa mamá Sandra, primeiramente decidiron dar un paseo e mirar as diferentes árbores que tiñan no seu entorno: sobreira, carballo, figueira, castaño, acibo, ameixeira, oliveira, etc. Ao final, elixiron a cereixeira (ou cerdeira).

Para o animal escolleron o coello. A decisión foi porque un día, cando foron a dar unha volta, viron uns poucos no camiño e agora pasan por alí sempre para volvelos a mirar e poder sacarlles unha foto.

Marcos tivo en conta para a elección dos nomes, cal era a árbore e o animal que lle parecían máis bonitos.

Ero de Leiro, elixiu como nome de animal o ourizo e de árbore a maceira.

Para Rosana de Leiro, o nome do animal que máis lle gusta é o esquío e o da árbore é a cereixeira (ou cerdeira).

Dani de Lois, escolleu bolboreta e carballo como nomes de animal e árbore. No debuxo do carballo, púxolle as follas que colleu dela.

Marta de Leiro, decidiuse pola bolboreta e piñeiro.

A familia de Lía escolleu bolboreta como nome de animal e sobreira de árbore. Os debuxos realizounos con acuarelas, pero utilizando as mans e os dedos.

A Carmen de Lois gústanlle moito as castañas e por suposto a seu nome de árbore preferida é o castiñeiro. E esquío é o seu nome de animal, xa que lle parece moi simpático e bonito.

Yago Riveiro de Lois, elixiu bolboreta e maceira como os nomes de animal e árbore que máis lle gustan.

Vera de Ribadumia A, decidiuse pola palabras bolboreta como nome de animal e cereixeira (ou cerdeira) de árbore.

A Adriana de Ribadumia B, parécelle fermosas vacaloura e noceira (ou nogueira) como nomes de animal e árbore.

E á súa irmá Dana, gustáronlle pitiño e piñeiro.

Xulia de Ribadumia A, elixiu bolboreta como nome de animal e maceira de árbore.

Por votación, o nome de animal máis fermoso é a BOLBORETA e no de árbore, houbo un empate entre CERDEIRA OU CEREIXEIRA e MACEIRA.

CANTAS PALABRAS BONITAS TEMOS NO GALEGO!

MOITAS GRAZAS POR PARTICIPAR!

DÍA DAS LETRAS GALEGAS

O 17 de maio celebraremos o Día das Letras Galegas.

Este ano 2020 o autor homenaxeado será Ricardo Carvalho Calero, escritor que traballou moito para tratar de dignificar o noso idioma e a nosa cultura.

Non é de estrañar que fixera esta defensa do galego xa que, ao igual que nas outras linguas, na nosa hai moitas palabras fermosas, únicas, históricas, propias, prestadas…

Todas esa riqueza de vocabulario que temos, e que nos pertence, debemos coidala e protexela para que continúe formando parte do noso patrimonio cultural.

Por este motivo, dende a aula de natureza, queremos propoñervos unha iniciativa que ten como obxectivo render homenaxe ás palabras da lingua galega.

Tedes que elixir, entre toda a familia, o nome da árbore e do animal en galego que máis vos guste, máis curioso vos pareza ou máis vos transmita. Despois os nenos escribirano nun folio e farán un debuxo del ou relacionado con el.

Entre todos escolleremos o nome do animal e da árbore, máis fermoso que temos en galego.

Vou comezar eu, polas que me parecen a min máis bonitas.

Lembrade que, o correo ao que podedes mandar os traballos é: blogdenatureza@gmail.com

ANIMADEVOS A PARTICIPAR!