Na
aula de natureza estamos plantando sementes de plantas con flor, utilizando como
macetas vasos de plástico e cartón reciclados.
Os
nosos alumnos están observando que non todas as sementes son iguais, xa que hainas redondas, alargadas, pequenas, grandes…, e tamén con distintas tonalidades.
RIBADUMIA B - BEGONIAS E SEMPREVIVA
LOIS - CAPUCHINAS
LEIRO - PETUNIAS
ESTAMOS DESEXANDO VER COMO NACEN E MEDRAN AS PLANTAS!!
As nosas familias xa están elixindo aos seus animais favoritos dos nosos bosques e montes, a través dos nosos cadernos viaxeiros.
Tamén, grazas a elas, estamos coñecendo algunhas curiosidades ou
peculiaridades deles…
QUE BEN DEBUXAN!!
MOITAS GRAZAS AS NOSAS FAMILIAS POR PARTICIPAR NESTA PROPOSTA!!
Onte,
venres 12 de abril, realizamos unha saída á Comunidade de montes de Baroña
(Porto do Son) invitados por eles e a Universidade de Vigo dentro do Proxecto Multiforest.
Esta actividade puidemos realizala grazas a Xana, a mamá dun dos nosos alumnos,
que traballa na Universidade de Vigo na escola de Enxeñaría Forestal.
Unha
vez que chegamos alí, estivemos falando do importantes que son as árbores e de
todos os beneficios que nos proporcionan: limpan o aire, dan sombra e froitos,
son a casiña de moitos animaliños…
Despois plantamos castiñeiros, cerdeiras e freixos.
Para realizar esta tarefa un neno suxeitaba a árbore e os outros ían cubríndoa coa terra.
Tamén lle puxemos algún abono para favorecer o seu crecemento, reforzar as raíces e proporcionar maior resistencia contra as pragas e enfermidades.
Entre
todos os nenos do CRA de Ribadumia…
PLANTAMOS MOITÍSIMAS!!
Nesta
Comunidade de Montes, tamén teñen ovellas e vacas que van comendo a herba e
deste xeito contribúen a evitar os incendios.
Despois
de tanto traballar, merendamos para repoñer forzas...
Antes
de marchar déronlle aos nenos e mestres agasallos: unha bolsa, libreta, caderno
de actividades “descubrindo a madeira”e un lapis e unha buxaina de madeira.
Ademais tamén uns xogos de cartas de IMAXINA, para as aulas, no que hai que enlazar imaxes a través da madeira sostible.
QUE BEN O PASAMOS CONTRIBUÍNDO
A COIDAR O NOSO MEDIO AMBIENTE!!
MOITAS GRAZAS Á COMUNIDADE DE MONTES DE BAROÑA E SOBRE TODO A XANA, POR DARNOS A OPORTUNIDADE DE REALIZAR ESTA ACTIVIDADE!!
Como fixemos o sorteo da mayoría das verduras do noso
invernadoiro, xat emos espazo para seguir plantando. Por iso, puxemos leitugas, asa de cántaro e porros.
LOIS – LEITUGAS
RIBADUMIA B – PORROS
RIBADUMIA A –
LEITUGAS
Máis fotos pinchando AQUÍ.
SISÁN – ASA DE CÁNTARO
Podedes ver máis fotos neste ENLACE.
Este venres,
22 de marzo, tivemos unha chea de actividades no CRA de Ribadumia.
Este
curso 2023-24 somos un dos colexios participantes no Programa Donas de si do Plan
Proxecta. Con el o que se pretende é que as novas xeracións se conciencien do
papel relevante da muller na sociedade galega.
Por
esta razón tivemos a visita do escritor galego Enrique Mauricio que veu a falarnos
dunha delas: a oceanógrafa Ángeles Alvariño.
Esta
investigadora conseguiu ser a primeira muller científica nun buque oceanográfico
británico.
Con Enrique, os nenos, aprenderon moitas cousas da vida desta científica que lle aconteceron dende que era pequena.
Tamén
veu Tania, unha ilustradora que fixo un precioso debuxo de Angeles Alvariño e
despois animou aos nenos a que, coas súas indicacións, a debuxaran.
TEMOS VERDADEIROS ARTÍSTAS NO
NOSO COLEXIO!!
Outra
das actividades foi a de decorar vasiños de cartón con ceras manley, para despois
pegarlle un coelliño de papel.
Unha vez
que todos remataron, saimos a fora para que cada neno buscara un ovo de chocolate de Pascua para meter no seu vaso.
E para
rematar a mañá, recibimos outra visita que nos encanta…
Maruxa
a hixienista dental!!
Con ela aprendemos moitas cousas: cal é a forma correcta de cepillarnos os dentes, que non debemos de comer para non ter caries, cantas veces temos que lavar os dentes ao día…
Ademais deulle aos nenos algúns agasallos como pasta de dentes con sabor a fresa, receitas de doces caseiros saudables e un diploma.
Hoxe, 22 de marzo, é o día da Auga.
O que
se pretende con esta celebración é que tomemos conciencia da importancia da
auga e que aprendamos a non desperdiciala.
Dende
a aula de natureza, o que tratamos e de darlle aos nosos alumnos unha serie de
pautas para tratar de non malgastala: mentres enxaboamos as mans e cepillamos
os dentes a billa debe estar pechada, regar mellor con regadeira que con
mangueiras, ducharse mellor que bañarse…
Despois realizamos unha ficha, na que os nosos alumnos tiñan que debuxarlle a unhas gotas de auga a boca sorrinte ou triste segundo as persoas, en diferentes escenas, a estiveran desaproveitándoa ou non.
Para poder plantar amorodos nunha das dúas rodas recicladas que temos, transplantamos os pensamentos que tiñamos nunha delas e puxémolos na outro xunto coas violas que estaban na outra.
Foron
os alumnos de Ribadumia A os que plantaron esta froita.
AQUÍ podedes ver fotos de máis nenos.
Nas casas, tamén podedes animarvos a utilizar como macetas materiais de desfeito como botellas de plástico, rodas, latas, ollas estragadas…
Hoxe,
21 de marzo, é o día dos Bosques.
Con
esta conmemoración queremos que os nosos alumnos entendan, que as árbores son
unha importante fonte de vida no noso Planeta xa que nos proporcionan
moitísimas cousas: froitas, sombra, limpan o aire, son a casiña de moitos
animais… Por iso é necesario coidalos e protexelos, e tratar de evitar a súa
deforestación.
Na aula de natureza, estivemos lendo un precioso conto titulado “Bajo tu sombra” (editorial Combel).
Cos seus despregables xigantes podemos coñecer as diferentes maneiras de ver
unha árbore, a través de diferentes escenarios naturais: nos bosques por as
súas raíces axudando ao terreo e as choivas, nas cidades polas innumerables
propostas que podemos realizar cerca deles (un picnic, unha sesta…), no campo
coas árbores froiteiras…
Despois desta lectura, e de enumerar a cantidade de cousas que nos dan, cada neno escolleu unha delas e escribiuna. Tamén decoraron unha árbore reciclando mostrarios de papeis de paredes. O que pretendemos é que tamén comprendan que non se poden desperdiciar e gastar moitos papeis, xa que iso supón a tala de moitas delas.
