CANTAS CORES!!

 Os alumnos de Ribadumia A estiveron plantando prímulas no xardín.

Había de cor rosa, laranxa, amárelo, lila, vermello…

LEITUGAS E BOTÓN DE OURO

Como os nosos alumnos xa levaron o brócoli que tiñamos no invernadoiro, quedounos espazo para plantar máis verduras. Por iso, os nenos de Ribadumia B estiveron plantando leitugas.

Tamén, para seguir enchendo de cores o noso xardín, os alumnos de Lois plantaron botóns de ouro. 

PLANTANDO PORROS, COLLENDO LIMÓNS E PROBANDO O GUAYABO-FRESA

Hoxe, luns 3 de febreiro, os nenos de Leiro estiveron plantando porros no invernadoiro. Como xa están levando verduras para comer nas casas, comezamos a ter espazo para poñer outras.

Despois colleron os limóns, que xa estaban listos para a colleita. Unha receita que podedes facer con eles, que vai ter un sabor máis doce é un batido. Podedes ver como se fai pinchando AQUÍ.

Para rematar estiveron degustando algúns guayabo-fresa, que xa estaban listos para comer, da árbore que temos no noso xardín.

XA TEMOS BRÓCOLI!!

O brócoli que plantamos no invernadoiro xa está listo para a colleita, polo que estamos facendo o seu sorteo entre o noso alumnado. Deste xeito poderán preparar nas casas riquísimas e saudables receitas con el.

ESTAMOS DESEXANDO VER AS RECEITAS E

AOS NENOS COMENDO ESTA VERDURA!!      

DÍA ESCOLAR DA NON VIOLENCIA E A PAZ

Hoxe, 30 de xaneiro, celebramos o día Escolar da Non Violencia e a Paz.

Na aula de natureza, estivemos vendo o logo da paz e tamén algúns símbolos como a pomba cunha ramiña de oliveira, as mans pintadas de branco (xa que a cor asociada a esta data e o branco)...

A continuación preguntámoslle aos nosos alumnos que significa para eles a palabra paz e cal será a razón de conmemorar esta data. As respostas que máis deron foron: para que non pelexemos, compartamos e axudemos aos demais e para que non haxa guerras.

Despois estivemos lendo un precioso conto títulado “La última avellana” que   conta como Tim e Teo, dos animais que son amigos, enfádanse cando dunha cunca de abelás que comparten desaparece a última.

Con esta lectura o que tratamos de transmitirlles é o importante que é a amizade e aprender a compartir.

Para rematar os nenos escribiron esta data e o que celebramos e debuxaron aos dos amigos (un esquío e un coello) coa axuda do libro “Como dibujar animales”.

TEMOS FROITOS NO NOSO GUAYABO-FRESA

Esta semana estivemos collendo as froitas que estaban maduras do noso guayabo-fresa. Despois os alumnos probáronas. É unha froita pequena e redonda, coa pel vermella e a polpa rosada. Non lle gusta a todo o mundo, xa que o seu sabor e algo ácido (aseméllase ao limón). 

ENCHEMOS DE CORES O NOSO XARDÍN

Aínda que estamos no inverno, queremos que o noso xardín este cheo de cores. Por iso, cando o tempo o permite, continuamos limpándoo e plantando flores. Para seguir con esta tarefa os nenos de Ribadumia A estiveron plantando pensamentos. 

COLLENDO LARANXAR DO NOSO LARANXEIRO

Os alumnos de Lois estiveron collendo algunhas laranxas, do nosos laranxeiro, que xa estaban maduras e listas para comer. Cada neno/a levou dúas para degustar na casa. 

ÁRBORE DE NADAL REUTILIZANDO DIFERENTES MATERIAL

Na aula de natureza, fixemos unha árbore de Nadal con material de refugallo.

Os materiais que utilizamos foron:

- Cortizas

- Follas que gardamos que están escritas por unha cara

- Mostrario de papeis pintados de parede

- Tubos de papel hixiénico

Primeiramente pintaron anacos das follas reutilizadas de verde e marrón.

Despois pintaron os extremos das cortizas con rotuladores e despois pegaron ao redor de cada unha os anacos de papel que pintaron.

Para facer a estrela utilizamos dous tubos de papel hixiénico. 

O proceso é como o vídeo que podedes ver debaixo.

A continuación pintamos a estrela de dourado.

Para rematar, a mestra pegou con silicona todos as cortizas, dándolle forma de árbore, e tamén a estrela e, puxemos un anaco do papel pintado de paredes bordeándoa.

UN MURAL CON MATERIAL DE REFUGALLO

No mes de novembro participamos nun concurso (a nivel nacional) “colores que conciencian” de “Caminos Naturales de España”. Tratábase dunha iniciativa destinada a sensibilizar ás novas xeracións sobre a importancia de coidar a natureza. 

Aínda que non gañamos, queremos amosarvos o noso mural.

Para a súa realización:

- Estivemos collendo follas que había polo chan do noso xardín.

- Despois, imprimimos animais feitos con follas para que os nosos alumnos puideran reproducilos.

- Entre todo falamos sobre que cousas podemos facer para coidar a natureza, e os nenos escribíronas en bocadillos de cómic.

- Elaboramos unha árbore poñendo de tronco tubos de papel hixiénico pintados de marrón, e de para a copa utilizamos follas en tonalidades laranxas, amarelas e vermellas.

- Para compoñer a frase do concurso “colores que conciencian”, as mestras escriibimos as letras en grande e os nenos puxéronlles enriba tapas de botellas de plástico..

A nosa intención, ademais de reutilizar material de refugallo e saber que accións podemos realizar para coidar o noso medio ambiente, é que os alumnos descubran que se poden facer cousas moi bonitas con distintos distintos materiais de desfeito.  .

Temos que dar as grazas a Marta por dicirnos que había este concurso e a Malu por axudarnos a crealo.