ARBUSTOS PARA O XARDÍN

No noso xardín dos sentidos tiñamos o parterre do gusto soamente con amorodos. As verduras plantámolas no invernadoiro, xa que fora quéimansenos coas xeadas. Para solucionar este problema decidimos plantar pequenos arbustos de froitos comestibles: arandeiras, framboeseiros, amoras silvestres, guayabo-fresa...  Así, cando medren poderemos preparar algunhas receitas con eles.  

PLANTANDO UN FRAMBOESEIRO COS NOVOS MANDÍS

Os alumnos da aula de Ribadumia A, saíron hoxe ao xardín para plantar un framboeseiro. Temos que dar as grazas a Estíbaliz, a mamá de Pedro, que foi quen nolo trouxo para que o plantáramos no xardín e puideramos ter ricas framboesas cando medre.

Para realizar esta actividade estreamos os NOVOS MANDÍS que imos poñer cada vez que saiamos a plantar.

Despois, na aula de natureza, fixemos unha ficha para lembrar o nome deste arbusto, o do seu froito e o lugar onde o plantamos.

Despois fomos ata a nosa abeleira, xa que Sofía dixo que nela había un niño. Esta nena sabía que estaba alí porque durante o verán ela, a súa irmán Andrea e a súa nai Pilar, estiveron vindo ao colexio para dar de comer aos peixes que temos no noso estanque… MOITAS GRAZAS ÁS TRES!