DÍA DOS ANIMAIS

 Hoxe, 4 de outubro, é o día dos animais.

Esta data ten como obxectivo promover os seus dereitos e mellorar o seu benestar en todo o mundo.

Na aula de natureza estivemos falando de que hai moitos animais que son explotados, maltratados, abandonados, e outros que están en perigo de extinción debido á caza furtiva, destrución dos seus hábitats…

Tamén comentamos que se queremos un animal de compañía sería moi bo adoptar aqueles que non teñen fogar.

Despois lemos, o conto “El retorno de Villarina” editado por Carrefour coa colaboración de FAPAS (Fundación para a protección de animais salvaxes).

Este libro, narra a historia real dunha osiña chamada Villarina que naceu na  Cordilleira Cantábrica e que foi atopada ferida por uns turistas madrileños. Despois de recibir atención veterinaria en varios centros, foi liberada no seu medio natural.

Para rematar, escribimos o que conmemoramos hoxe e debuxamos a Villarina no seu entorno unha vez curada.