BO NADAL!!

 Dende a aula de natureza queremos desexar a todos, un bo Nadal e un Próspero Aninovo.

 FELICES FESTAS!!

SUPERHEROE DO MEDIO AMBIENTE

Na aula de natureza, estivemos lendo o conto “SOS monstruos verdaderos amenazan al Planeta”.

Este libro, describe todas as ameazas medioambientais que hai contra o noso Planeta, e ponlle a cada unha o nome dun monstro. Voan sobre as nosas cabezas, viven nas profundidades do mar e incluso agóchanse nos sumidoiros. El Caldosauro aliméntase do fume dos coches e dos avións, o Talacoco ao que lle gusta cortar árbores, o Octoplástico vive como peixe na auga grazas a todas as latas de refrescos, cabichas, plásticos... que tiramos ao mar, a Esmogodón encántalle o fume da contaminación e o po que hai no aire…, así ata 22.

Tamén conta que accións podemos facer para debilitalos, e cales non debemos realizar xa que os poñen máis fortes.

Para poder derrotalos ademais de necesitar Superheroes como @s nen@s, tamén decidimos crear o noso da aula de Natureza.

Para isto, cada alumn@ fixo un debuxo de como se imaxina que ten que ser e puxolle un nome.

Cando os teñamos todos, entre todas as mestras do CRA, elixiremos cal nos vai representar e axudaranos a coidar o Planeta.

EU SON DO MARRÓN

Esta semana vimos un anuncio, no xornal da Voz de Galicia, de que o concello de Lalín sumouse a campaña “Eu son do marrón” da Xunta de Galicia. Esta iniciativa pretende mellorar e incrementar a compostaxe de residuos orgánicos.

Iniciase con charlas informativas para explicar o uso correcto dos composteiros e a xestión do lixo orgánico. Despois, repártense cubos domésticos para almacenar estes restos de comida, mondas de froitas… E polas rúas hai contedores de cor marrón para que a xente, cunha chave, poidan abrilos e depositar o que acumulou nos seus cubos.

Nós, na escola, tamén realizamos esta tarefa aínda que o noso composteiro e de cor verde. Nel botamos mondas de froitas das merendas, herbas malas que recollemos ao limpar o xardín, follas… Cando xa temos compost, poñémolo no invernadoiro mesturado coa terra para que as nosas verduras medren máis e sexan máis saudables.

Relacionado coa compostaxe, limos un conto moi bonito titulado “Aqueles monstros anciáns que viven baixo a terra” da campaña de compostaxe de Sogama. Os protagonistas son tres bichiños que se chaman Rufo, Pedro e Coco, que viven baixo a terra onde pasan o tempo comendo os restos orgánicos que logo converten nunha terra máxica que aporta nutrientes moi bos ás verduras que logo serven de alimento.

NO CRA DE RIBADUMIA TAMÉN SOMOS DO MARRÓN!!

ÁRBORE DE NADAL CON MATERIAL DE REFUGALLO

Na aula de natureza, fixemos unha árbore con reutilizando tubos de papel hixiénico e anacos de papeis que non servían (están escritos por unha cara pero os gardamos para usalos para outras cousas).

Para elaboralo pintamos papeis de verde e marrón, a continuación botámoslles pegamento e empaquetamos tubos de papel hixiénico con eles. Despois coloreamos de cores estrelas, bolas e campás pequenas, e puxémoslle brillantina. E para rematar, pintamos de verde as bases redondas onde apoiar os tubos.

A QUE QUEDOU BONITA!!

PLANTAS CON FLOR PARA O XARDÍN

Esta semana estivemos plantando no xardín para darlle un pouco máis de cor ao outono.

RIBADUMIA B – PRÍMULAS

LOIS – CICLAMEN

RIBADUMIA A - VIOLAS

PLANTANDO NO INVERNADOIRO

 Esta semana estivemos plantando verduras e hortalizas no invernadoiro.

RIBADUMIA B – ASA DE CÁNTARO

LOIS - REPOLOS

RIBADUMIA A - BRÓCOLI

LEIRO - PORROS

SISÁN - COLIFLOR

DÁNDOLLE UNHA NOVA VIDA AO LIXO

Como adultos temos que ter presente que @s nos@s nen@s aprenden por imitación “copiando” todo o que ven, e a medida que van medrando toman como referencia aos adultos do seu entorno máis próximo (pais, avós, mestres …). Por iso, é moi importante que prediquemos co exemplo xa que é a mellor forma de incorporar os bos hábitos a súa rutina. Se ven que botamos o lixo á rúa ou desperdicios á auga, eles adoptarán esta actitude por considerar que é a correcta.

Os nenos teñen facilidade para aprender de todo xa que son curiosos, interésanse polo mundo que lles rodea e gústalles participar. Por iso, esta semana, estivemos mirando algúns obxectos que podemos reutilizar dándolle unha nova vida e tamén, que cousas podemos facer con eles.

Ensinarlles a reciclar e reutilizar é unha das mellores cousas que podemos facer para mellorar o noso entorno, ao tempo que os guiamos para que aprendan como coidar o Planeta.

DÍA INTERNACIONAL CONTRA EL CAMBIO CLIMÁTICO

Hoxe, 24 de outubro, é o Día Internacional contra o Cambio Climático.

Con esta celebración, trátase de concienciar sobre os grandes danos que se están xerando como consecuencia do cambio climático e, ao mesmo tempo, mobilizar e sensibilizar a todas as persoas a cerca dos seus efectos e o perigo que implica.

Por iso, é importante explicarlles @s nos@s alumn@s que eles poden participar activamente para protexer o noso Planeta a través de hábitos diarios como:

-Non malgastar a auga.

-Aforrar enerxía apagando ordenadores e televisores cando non os utilicemos, as luces cando non sexan necesarias, non tendo a neveira moito tempo aberta…

-Reciclando.

-Camiñando, andando en bicicleta ou transporte público no lugar de utilizar o coche.

-Plantando árbores.

-Facendo compost con mondas de froitas, herbas malas… para abonar as nosas plantas e verduras, no lugar de usar abonos químicos.

Despois estivemos mirando o vídeo de Happy Learning “El Cambio Climático. Aprende sobre el cambio climático y nuestro Planeta”, que explica de forma sinxela que cousas podemos facer para detelo.

A continuación lemos o conto "bichiños de luz" de Paula Inés Villanueva, que explica como Luciana (un vagalume), un forte vento o afasta do bosque onde vive coa súa familia. Desorientada, encontra a Julián que lle vai axudar a volver a casa. Nesta busca enfrontaranse coa realidade da destrución da natureza por parte das persoas, pero tamén descubrirán lugares descoñecidos onde non todo está perdido.

Con esta lectura, o que pretendemos é que @s nos@s alumn@s tomen conciencia de que hai moitas actividades humanas que teñen consecuencias sobre a natureza.

QUE GRANDES SON OS XIRASOLES!

A profe Ángeles, tróuxonos algúns xirasoles que xa morreron para que @s nen@s puideran ver o grandes que son e as súas sementes.

Primeiramente miramos na pantalla dixital o conto cantado “girasol” e tamén “Celeste  y el girasol” de Mempo Giardinelli. Esta última historia, esta narrada polo pai de Celeste, que observa día a día como a súa filla vai construíndo unha relación afectiva con unha flor de xirasol.

Despois cada alumn@ foi contando e collendo sementes da planta para metelas nun sobre e levar para casa.

Agora non poderán plantalas, terán que esperar ata a primavera para facelo e así ver como van medrando.

Para rematar, puxemos ao lado da planta e quitamos fotos para que @s nen@s puideran comprobaran canto máis grande era que eles.