BO NADAL!

Dende a aula de natureza do C.R.A de Ribadumia, queremos desexarvos a todos un Bo Nadal e un Próspero Aninovo.

PLANTANDO AS LANDRAS DA SOBREIRA

Os alumnos de Ribadumia B colleron landras da sobreira do noso xardín. Hoxe, estiveron plantándoas nas botas vellas que sobraron (algunhas familias trouxeron máis de unha).

Cando medren queremos que, as pequenas sobreiras, sexan utilizadas para replantar algún bosque do Concello de Ribadumia.

SORTEAMOS LEITUGAS

As leitugas que plantamos no invernadoiro xa medraron e, estamos realizando o seu sorteo entre os alumnos do C.R.A.

Cada tipo de verduras sorteámolo entre todos os nenos e non só entre os que as plantaron.

A nosa finalidade é que aprendan a plantalas e vexan como medran, que saiban o importante que é o seu consumo para a nosa saúde e as leven as casas para preparar riquísimas receitas con elas.

Para o seu sorteo temos papeliños, por aula, cos nomes de todos os alumnos. Cando están listas para a colleita, un neno de cada clase (ao azar) colle un para saber a quen lle toca levala.

O que queremos é que, ao final do curso, todos levaran polo menos unha.

CREANDO OS NOSOS CARBALLOS CON BOTAS

Despois de ler o conto de Anxo Moure  “O carballo con botas” , saímos ao xardín

 para coller as landras que estaban polo chan debaixo dos nosos carballos.

A continuación pedimos as familias que trouxeran botas vellas, que tiveran nas 

casas, para crear os nosos carballos con botas. 

Cando medren, cada neno levara a seu para poder repoboar algún bosque ou monte 

con esta especie autóctona ou plantalos nos seus xardíns.

ÁRBORES DOS NOSOS MONTES

Na aula de natureza do C.R.A de Ribadumia queremos que a xente respecte e coide

 as árbores, polo que seguimos traballando entorno a elas.

Agora comezamos un pequeno proxecto a través do que estamos coñecer algunhas das que podemos atopar nos nosos bosques e montes. Ademais de aprender os seus nomes tamén estamos descubrindo se son de folla caduca ou perenne, como é a súa folla, o seu froito…

Como estábamos traballando a sobreira, saímos ao xardín para ver a que temos e coller as súas landras para plantar en macetas. 

Tamén estivemos tocando a súa cortiza, que é a casca que recubre o tronco desta árbore ecoa que se fan tapóns para botellas de viño, boias, paneis para paredes ou para tablóns para fixar notas...

BENEFICIOS DAS ÁRBORES

Na aula de natureza, estivemos falando de todas as cousas boas que proporcionan 

as árbores. Despois fixemos un mural onde recoller algunhas delas.

Os nenos de todas as aulas participaron na confección do mural: pintando as follas e as mazás, collendo follas secas e cortándoas para pegalas no tronco, debuxando nenos e nenas, coloreando o niño e o esquío, escribindo os beneficios que nos dan as árbores…