XA TEMOS COLLEITA DE LEITUGAS!

Algunhas das leitugas que plantamos no invernadoiro xa están listas para comer, por iso estamos facendo o seu sorteo entre o noso alumnado. 

XA TEMOS RECEITAS CON REPOLO E COLIFLOR!!

As familias xa están enviando as receitas que realizaron cos repolos e coliflor que @s nen@s levaron para comer nas casas. 

TEMOS INSECTOS PAU

A mestra Marta trouxo a escola insectos pau, e témolos en acollida na aula de natureza para darlles de comer, limparlles a súa casiña e ir observando como van medrando.

Aliméntanse das follas das silveiras e necesitan algo de humidade para poder vivir. Para coñecelos un pouco máis, estivemos vendo un vídeo de youtube que nos pasou Marta.

Agora, temos algúns que están mudando a súa pel. Soen facelo ao redor de 6 a 9 veces antes de chegar a ser adultos. Cada vez que o fan medran, xa que debido ao que o seu exoesqueleto é ríxido non poden crecer entre as mudas. Como curiosidade hai que dicir, que moitas veces comen a pel que deixan. 

PLANTANDO AMORODOS, BOTANDO CORTIZA DE PINO E REGANDO

@s nen@s de Leiro, Ribadumia B e Lois e Ribadumia A estiveron plantando amorodos no xardín.

@s de Lois tamén botaron cortiza de pino ao redor dalgunhas plantas para impedir que saian moitas herbas malas e axudar a reter a humidade do chan. E regaron as plantas.

ACELGAS PARA O INVERNADOIRO

Como estamos dando moitas das verduras do invernadoiro debido a que xa están listas para a colleita, temos espazo para seguir poñendo máis. Por iso, esta semana os nenos de Leiro estiveron plantando acelgas. 

SORTEAMOS COLIFLOR E REPOLOS!!

Xa temos listos para a colleita a coliflor e os repolos. Por iso, @ nos@s alumn@s, os están levando para degustar nas casas en familia.